కరోనాతో భయం..భయం
న్యూయార్క్, మార్చి 18
నా వైరస్‌ ప్రపంచాన్ని ఏ విధంగా భయపెడుతుందో తెలిసిందే. ప్రజలు ఇళ్ల నుంచి బయటకు రావాలంటేనే భయపడిపోతున్నారు. కనీసం నిత్యవసర వస్తువులు కొనుగోలు చేయడానికి కూడా వెళ్లలేని పరిస్థితి నెలకొంది. ఈ చైనా వైరస్ క్రమేనా ఇతర దేశాల్లోనూ విజృంభిస్తోంది. ఇప్పటివరకు ఎనిమిది వేల మందికి పైగా ప్రాణాలు కోల్పోయారు. దీంతో ప్రజలు బిక్కుబిక్కుమంటూ గడుపుతున్నారు.అమెరికాలోని ఒరేగాన్‌కు చెందిన 80 ఏళ్ల వృద్ధ దంపతులు పరిస్థితి కూడా ఇదే. ఇంట్లో సరకులన్నీ అయిపోయాయి. బయట మార్కెట్‌కు వెళ్లి కనుగోలు చేయాలంటే కరోనా భయం. ఆకలితో చనిపోవడం కంటే ధైర్యంగా మార్కెట్‌కు వెళ్లడమే బెటర్ అనుకున్నారు. కారులో సూపర్ మార్కెట్‌కు వెళ్లారు. జనాలతో రద్దీగా ఉన్న ఆ మార్కెట్ చూసిన తర్వాత ఆ దంపతుల్లో మళ్లీ ఆందోళన కలిగింది. కారు దిగడం సాహసమని భావించారు. అద్దాలు బిగించుకుని లోపలే కుర్చొనిపోయారు.నిమిషాలు గడుస్తున్నా.. ఆ వృద్ధ దంపతులు కారు దిగడం లేదు. ఎవరైనా అటు పక్కకు వస్తే సాయం అడగాలని ఎదురుచూస్తున్నారు. ఇంతలో ఓ యువతి అటుగా వెళ్లడాన్ని చూశారు. ‘‘హెల్ప్ హెల్ప్..’’ అని అరిచారు. దీంతో ఆ యువతి ఆ కారులో ఉన్నవారికి ఏమైనా జరిగిందేమో అని కంగారు పడింది. కారు దగ్గరకు వెళ్లి ఏం జరిగిందని అడిగింది.‘‘కరోనా భయంతో తాము బయటకు రాలేకపోతున్నాం. మార్కెట్లోకి వెళ్లి మాకు కొంచెం సరుకులు కొని పెడతావా?’’ అని దీనంగా అడిగారు. వారి పరిస్థితిని అర్థం చేసుకున్న సరుకులు కొనేందుకు అంగీకరించింది. ఆ దంపతులు ఇచ్చిన 100 డాలర్లతో మార్కెట్లోకి వెళ్లి.. వారు చెప్పిన సరుకులన్నీ కొని తెచ్చింది. దీంతో ఆ జంట ఎంతో సంతోషించింది.‘‘సుమారు 45 నిమిషాల నుంచి మేం కారులోనే ఉన్నాం. బయటకు రావాలంటే భయం వేసింది. మీరు చేసిన సహాయాన్ని మరిచిపోలేం’’ అని ఆ యువతికి దన్యవాదాలు తెలిపారు. రెబెక్కా మెహ్రా అనే యువతి తనకు ఎదురైన ఆ అనుభవాన్ని ట్విట్టర్ ద్వారా పంచుకుంది. ‘‘స్టోర్‌లోకి వెళ్లాలంటే భయమేస్తోంది. కొంచెం సాయం చేస్తారా? అని ఆ వృద్ధురాలు ఎంతో దీనంగా అడిగింది. ఉబికి వస్తున్న దుఃఖాన్ని ఆపుకుంటూ మాట్లాడింది. దీంతో వారికి సాయం చేశాను’’ అని తెలిపింది. ఈ సమయంలో ఎవరూ బయటకు వచ్చే సాహసం చేయలేరు. ఎవరైనా సాయం అడిగితే తప్పకుండా చేయండి. కష్టకాలంలో ఒకరినొకరు సాయం చేసుకోవడం మానవ ధర్మం అని తెలిపింది. కరోనా వైరస్ నేపథ్యంలో వైద్యులు.. 70 ఏళ్లు పైబడిన వృద్ధులు బయటకు వెళ్లరాదని హెచ్చరించారు. వీరికి త్వరగా వైరస్ సోకే ప్రమాదం ఉందని తెలుపుతున్నారు.