కానిస్టేబుల్ సెక్స్ రాకెట్
ముంబై, మార్చి 20
 అపార్ట్‌మెంట్లో బంగ్లా బాలికతో వ్యభిచారం చేయిస్తున్న ఓ పోలీస్ కానిస్టేబుల్‌‌పై ఉన్నతాధికారులు వేటు వేశారు. పుణెలోని బుద్వర్ పేటలో గుట్టుగా సాగుతున్న వ్యభిచార ముఠాను డిసెంబర్ 30, 2019న పోలీసులు పట్టుకున్నారు. ఈ సందర్భంగా బంగ్లాదేశ్‌కు చెందిన బాలికతో పాటు స్థానిక సెక్స్ వర్కర్‌ని రక్షించి పునరావాస కేంద్రానికి తరలించారు. ఫ్లాట్ యజమానితో పాటు రాబియా సూరఫ్ సర్దార్ ఇస్లాం, గణేశ్ శంకర్ భోసలే అనే ఇద్దరు నిర్వాహకుడిని అరెస్ట్ చేశారు.ఈ సెక్స్ రాకెట్‌పై లోతుగా దర్యాప్తు చేసిన పోలీసులకు దిమ్మతిరిగే విషయం తెలిసింది. పరాస్ఖానా పోలీస్‌స్టేషన్‌లో పనిచేస్తున్న హనుమంత మహాదేవ్ వాన్వే ఈ సెక్స్ రాకెట్‌ వెనుకున్న అసలు నేరస్థుడని పోలీసులు తెలుసుకున్నారు. ఈ ఘటన పుణె పోలీసు వర్గాల్లో తీవ్ర కలకలం రేపింది. పోలీసులే అసాంఘిక కార్యకలాపాలకు పాల్పడుతున్నారని తెలియడంతో అనేక వర్గాల నుంచి విమర్శలు వచ్చాయి. దీంతో నగర పోలీస్ కమిషనర్ అశోక్ మోరలే అతడిని విధుల నుంచి తప్పిస్తున్నట్లు తాజాగా ఉత్తర్వులు జారీచేశారు.రైడింగ్‌లో పట్టుబడిన సెక్స్‌ వర్కర్‌తో రాసలీలలు జరుపుతున్న వీడియో, ఫోటో బయటపడటం ద్వారా హనుమంతు విషయం బయటపడింది. ఫ్లాట్ యజమానికి మభ్యపెట్టి అందులో వ్యభిచారం జరిగేలా కానిస్టేబులే సహకరిస్తున్నట్లు పోలీసులు విచారణలో వెల్లడైంది. హనుమంతుకు అనేక మంది సెక్స్ వర్కర్లతో సంబంధాలున్నాయని పోలీసులు తెలిపారు. దీంతో అతడిపై ఐపీసీ 370, 344, 366, 34తో పాటు వివిధ సెక్షన్ల కింద కేసులు నమోదు చేశారు. రైడింగ్ తర్వాత హనుమంతు పరారీలో ఉన్నాడు. లొంగిపోవాలని, విచారణకు కావాలని అతడికి ఎన్నిసార్లు నోటీసులు పంపినా పట్టించుకోలేదు.