పడిపోతూ వస్తున్న పసిడి
ముంబై, ఏప్రిల్ 1
పసిడి పడిపోతూనే వస్తోంది. వెలవెలబోతోంది. బంగారం ధర ఈరోజు కూడా మళ్లీ తగ్గింది. పసిడి ధర దిగిరావడం ఇది వరుసగా మూడో రోజు కావడం గమనార్హం. దీంతో ఇప్పుడు బంగారం కొనుగోలు చేయాలని భావిస్తున్న వారికి ఇది గుడ్ న్యూస్ అని చెప్పొచ్చు. అంతర్జాతీయ మార్కెట్‌లో బంగారం ధర తగ్గడంతో మన దేశంలోనూ పసిడిపై ప్రతికూల ప్రభావం పడిందని బులియన్ మార్కెట్ నిపుణులు పేర్కొంటున్నారు. ఇకపోతే వెండి ధర కూడా తగ్గింది.హైదరాబాద్ మార్కెట్‌లో 10 గ్రాముల 22 క్యారెట్ల బంగారం ధర మూడు రోజుల్లో ఏకంగా రూ.2,270 పతనమైంది. అదే 24 క్యారెట్ల బంగారం విషయానికి వస్తే.. 10 గ్రాములకు ఏకంగా రూ.2,150 పడిపోయింది. ఇక ఈరోజు బుధవారం విషయానికి వస్తే.. బంగారం ధర స్వల్పంగా తగ్గింది. 24 క్యారెట్ల బంగారం ధర 10 గ్రాములకు రూ.10 తగ్గుదలతో రూ.43,160కు క్షీణించింది. అదేసమయంలో 22 క్యారెట్ల బంగారం ధర కూడా 10 గ్రాములకు రూ.10 తగ్గుదలతో రూ.39,510కు క్షీణించింది.పసిడి ధర తగ్గితే.. వెండి ధర కూడా ఇదే దారిలో నడిచింది. కేజీ వెండి ధర కేవలం రూ.20 తగ్గింది. దీంతో వెండి ధర రూ.39,480కు క్షీణించింది. పరిశ్రమ యూనిట్లు, నాణేపు తయారీదారుల నుంచి డిమాండ్ మందగించడం ఇందుకు ప్రధాన కారణంగా చెప్పుకోవచ్చు. ఇక వెండి ధర 3 రోజుల్లో రూ.1,940 పతనమైంది. ఇక అంతర్జాతీయ మార్కెట్‌లో కూడా బంగారం ధర దిగొచ్చింది. 1600 డాలర్ల కిందకు వచ్చేసింది. పసిడి ధర ఔన్స్‌కు 0.24 శాతం తగ్గుదలతో 1593.35 డాలర్లకు క్షీణించింది. బంగారం ధర తగ్గితే.. వెండి ధర మాత్రం పెరిగింది. వెండి ధర ఔన్స్‌కు 0.04 శాతం పెరుగుదలతో 14.15 డాలర్లకు ఎగసింది.దేశ రాజధాని ఢిల్లీ మార్కెట్‌లో కూడా పసిడి ధర తగ్గింది. 22 క్యారెట్ల 10 గ్రాముల బంగారం ధర రూ.10 తగ్గుదలతో రూ.41,010కు క్షీణించింది. అదేసమయంలో 24 క్యారెట్ల 10 గ్రాముల బంగారం ధర కూడా రూ.10 క్షీణతతో రూ.43,290కు పడిపోయింది. ఇక కేజీ వెండి ధర రూ.20 తగ్గుదలతో రూ.39,480కు క్షీణించింది.ఇకపోతే బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.