8 మంది పెళ్లిళ్లు...వాయిదా
ముంబై ఏప్రిల్ 4 
కరోనా వైరస్ కారణంగా ప్రపంచవ్యాప్తంగా స్తంభించిపోయిన సంగతి తెలిసిందే. అనేక క్రీడా కార్యకలాపాలు వాయిదా పడడంతో క్రికెటర్లు, క్రీడాకారులు, సామాన్యులతో పాటు ఇళ్లకే పరిమితమయ్యారు. తాజాగా 8 మంది ఆస్ట్రేలియా క్రికెటర్ల.. పెళ్లి క‌రోనా వైర‌స్ వాయిదా పడినట్లు తెలుస్తోంది.విధ్వంసక ప్లేయర్ గ్లెన్‌ మాక్స్‌వెల్‌, ఆడమ్‌ జంపా, ప్యాట్‌క‌మిన్స్‌, జాక్సన్ బర్డ్, డిఆర్సి షార్ట్, మిషెల్ స్వెప‌న్‌, అలిస్టర్ మేక్ డ‌ర్మెట్‌, అండ్రూ టై, జెస్ జెనాసెన్‌, కేట‌లీన్ ప్ర‌యోట్ ఈ జాబితాలో ఉన్నారు. నిజానికి మార్చి తర్వాత ఆస్ట్రేలియాలో క్రికెట్ సీజన్ అయిపోతుంది ఈ నేపధ్యంలో వాతావరణం అనుకూలించడంతో చాలా మంది క్రికెటర్లు ఈ స‌మ‌యంలోనే పెళ్లి చేసుకునేందుకు సిద్ధమవుతారు. అయితే తాజాగా ఆస్ట్రేలియాలో లాక్‌డౌన్‌ నడుస్తుండటంతో క్రికెటర్లు పెళ్లిని వాయిదా వేసుకోక తప్పని పరిస్థితి నెలకొంది.మరోవైపు గ్లెన్ మాక్స్ వెల్ భారత సంతతికి చెందిన వినీ రామ‌న్‌తో గ‌తంలో ఎంగేజ్మెంట్ చేసుకున్న సంగతి తెలిసిందే. క‌మిన్స్‌తోపాటు మ్యాక్సీల‌ పెళ్లి రోజు క‌న్ఫామ్‌ కాకపోయినప్పటికీ వీళ్లిద్దరు ఇప్పుడు పెళ్లి చేసుకున్న పరిస్థితిలో లేరు. లాక్‌డౌన్‌ కారణంగా ఒక వేడుకలో పాల్గొనేందుకు ఇద్ద‌రు నుంచి ఐదుగురు వరకు ఆస్ట్రేలియా ప్రభుత్వం అనుమతినిచ్చింది. ఈ నేపథ్యంలో ప్ర‌స్తుత పరిస్థితి సద్దుమణిగాక పెళ్లి చేసుకోవాలని ఈ క్రికెటర్లు యోచిస్తున్నట్లు తెలుస్తోంది.కరోనా కారణంగా లిజెల్లీ లీ, తాంజాల పెళ్లి వాయిదా పడిన సంగతి తెలిసిందే. ఇక కారణం వైరస్ కారణంగా ఆస్ట్రేలియా ప్రభుత్వం ట్రావెల్ బ్యాన్ విధించింది. ఈ నేపథ్యంలో విదేశాలకు వెళ్లేందుకు ఆంక్షలు విధిస్తున్నట్లు పేర్కొంది. అయితే భారత్‌లో ఐపీఎల్ నిర్వహిస్తే తాము వచ్చేందుకు సిద్ధంగా ఉన్నామని క‌మిన్స్‌, డేవిడ్ వార్నర్, స్టీవ్ స్మిత్ ఇప్పటికే స్పష్టం చేశారు. ఆస్ట్రేలియాలో ఇప్పటివ‌ర‌కు 5500 క‌రోనా పాజిటివ్ కేసులు వెలుగులోకి వచ్చాయి. 30 మంది మరణించారు.