కరోనా యువకుల మరణ సంఖ్య పెరుగుతోంది  ప్రపంచ ఆరోగ్య సంస్థ 
వాషింగ్టన్ ఏప్రిల్ 05
ప్రపంచాన్ని గజగజలాడిస్తున్న కరోనా వైరస్.. యువత ప్రాణాలను కూడా బలితీసుకుంటోందని ప్రపంచ ఆరోగ్య సంస్థ అంటోంది. ఇంతకాలం ఈ వైరస్ వల్ల వృద్ధులే మరణిస్తారని, వయసులో ఉన్నవారికి వైరస్ సోకినా కోలుకుంటారని అందరూ భావించారు. అయితే ప్రస్తుతం పరిస్థితి మారిపోయిందని, రోజులు గడిచేకొద్దీ ఈ వైరస్ సోకి ఐసీయూలో చేరుతున్న యువతీయువకుల సంఖ్య పెరుగుతోంది తెలుస్తోంది. ఈ విషయాన్ని ప్రపంచ ఆరోగ్య సంస్ధకు చెందిన మరియా కేర్ఖోవే శనివారం వెల్లడించారు. కరోనా వల్ల వృద్ధులే ఎక్కువగా మృత్యువాత పడుతున్నారని, కానీ ఇటీవలి కాలంలో వైరస్ యువతరాన్ని కూడా బలిగొంటోందని ఆమె పేర్కొన్నారు.