నటి శ్రీలక్ష్మీ కనకాల మృతి
హైద్రాబాద్, ఏప్రిల్ 6
టాలీవుడ్ ప్రముఖ యాంకర్ సుమ కనకాల ఆడపడుచు శ్రీలక్ష్మీ కనకాల ఇవాళ మరణించారు. ప్రముఖ నటుడు దర్శకుడు దేవదాస్ కనకాల ఏకైక కుమార్తె శ్రీలక్ష్మి. ఆమె కూడా అనేక టీవీ సీరియల్స్‌లో నటించారు. గత కొంతకాలంగా అనారోగ్యంగా ఉండడం వల్ల నటనకు ఆమె దూరంగా ఉన్నారు. శ్రీలక్ష్మి సోదరుడు రాజీవ్ కనకాల. శ్రీ లక్ష్మి భర్త సీనియర్ జర్నలిస్టు పెద్ది రామారావు. వీరికి ఇద్దరు అమ్మాయిలు ఉన్నారు. శ్రీ లక్ష్మి కొధ్దికాలంగా అనారోగ్యంతో బాధపడుతుడటంతో ఆమెను చికిత్స నిమిత్తం ఆస్పత్రిలో చేర్పించారు. గతేడాది రాజీవ్ కనకాల తండ్రి దేవదాస్ కనకాల అనారోగ్యంతో మరణించిన విషయం తెలిసిందే. సుమకు, రాజీవ్ కనకాలతో పెళ్లి కాక ముందే... శ్రీలక్ష్మీకి ఆమె మంచి స్నేహితురాలు. ఇద్దరూ కలిసి సీరియల్స్‌లో కూడా నటించారు. సుమ, రాజీవ్ లవ్ స్టోరీలో కూడా శ్రీలక్ష్మీ మీడియేటర్‌గా పనిచేశారని ఇంటర్య్వూలో ఆమె చెప్పుకొచ్చారు. సుమతో ఆమెకు మంచి అనుబంధం ఉందని కూడా ఆమె అప్పట్లో తెలిపారు. సుమను ప్రేమిస్తున్నానన్న విషయం రాజీవ్ కనకాల తనకు ముందే చెప్పారని కూడా శ్రీలక్ష్మీ పలు ఛానల్స్‌కు ఇచ్చిన ఇంటర్య్వూలో కూడా తెలిపారు. రాజీవ్ సుమతో ఇంతటి అనుబంధం ఉన్న శ్రీలక్ష్మీ ఒక్కసారిగా చనిపోవడంతో సుమ ఇంట విషాద ఛాయలు అలముకున్నాయి.శ్రీలక్ష్మీ మృతి పట్ల ప్రముఖ టీవీ సీరియల్ నటుడు హర్షవర్థన్ స్పందించారు. ఆయన తీవ్ర దిగ్భ్రాంతి వ్యక్తం చేశారు. శ్రీలక్ష్మీ గత కొన్నినెలలుగా తీవ్ర అనారోగ్యంతో బాధపడుతున్నారన్నారు. కొన్నిరోజులుగా ఆమె ఆరోగ్యం మరింత క్షీణించిందన్నారు. ప్రస్తుతం ఉన్న పరిస్థితులు ఇలాంటి వార్త రావడం నిజంగా దురదృష్టకరం అని తెలిపారు హర్షవర్థన్. లాక్ డౌన్ నడుస్తున్న సమయంలో ఎవరూ కూడా వారి ఇంటికి వెళ్లకపోవడమే మంచిదని కోరారు. తన వ్యాఖ్యల్ని తప్పుగా అర్థం చేసుకోవద్దని విజ్ఞప్తి కూడా చేశారు. శ్రీలక్ష్మీ ఫ్యామిలీకి అందాల్సిన అన్ని సహాయ సహకారాలు అందుతున్నాయన్నారు. వారి కుటుంబసభ్యులంతా దగ్గరుండి ఆయా కార్యక్రమాలు నిర్వహిస్తున్నారని హర్షవర్థన్ తెలిపారు. ఒక ఆడియో మేసేజ్‌ను ఆయన సోషల్ మీడియాలో ఈ మేరకు పోస్టు చేశారు