ముమ్మరంగా పారిశుద్ధ్య పనులు                                                
నందవరం ఏప్రిల్ 10 
నందవరం మండల పరిధిలోని అధికారులు ముమ్మరంగా పారిశుధ్య పనులను నిర్వహిస్తున్నారు. అదికారుల ఆదేశాల మేరకు మురుగు నీటి కాలువలను మరియు ప్రధాన వీధులను పారిశుధ్య కార్మికులు శుభ్రపరుస్తున్నారు. పంచాయతీ కార్యదర్శి ఆధ్వర్యంలో నందవరం యసీ కాలనీలో కాలువలు శుభ్రపరిచిన అనంతరం కాలువలో మరియు నీరు నీల్వ ఉండే ప్రదేశాల్లో బ్లీచింగ్ పౌడర్ను చల్లి దోమలు వ్యాప్తి చెందకుండా అరికడుతున్నారు. అనంతరం ప్రధాన వీధులలో హైపోధ్రావణాన్ని పిచికారి చేశారు. ఈ సందర్భంలో పంచాయతీ అదికారి,గ్రామ వాలంటిరులు,శాచివాలయం వారు యసీ కాలనీలో పర్యటించి ప్రజలతో మాట్లాడుతూ ప్రజలు తమ చుట్టూ ఉన్న పరిసరాలను శుభ్రంగా ఉంచుకోవాలని తెలియజేశారు. ప్రభుత్వం అందజేసిన తడి చెత్త మరియు పొడి చెత్త డస్ట్ బిన్లను వాడి పర్యావరణం కలుషితం కాకుండా ప్రతి ఒక్కరూ తమ వంతు కృషి చేయాలని తెలియజేశారు. అదేవిధంగా కరోనా వైరస్ సోకకుండా ప్రభుత్వం తెలియజేసే సూచనలను మరియు సలహాలను ప్రతి ఒక్కరూ పాటించాలని వారు తెలియజేశారు.