న్యూ ఢిల్లీ లో నూతనంగా నిర్మించిన వెస్టర్న్ కోర్ట్ ఎనెక్స్ ను ప్రధాన మంత్రి  నరేంద్ర మోదీ బుధవారం  ప్రారంభించారు.  ఈ భవనం పార్లమెంటు సభ్యులకు తాత్కాలిక వసతి గా ఉంటుంది.  ఈ సందర్భంగా ప్రధాని మాట్లాడుతూ లోక్ సభ స్పీకర్ సుమిత్ర మహాజన్ ఈ ప్రాజెక్టు ను పూర్తి చేయడంలో చేసిన కృషిని ప్రశంసించారు. ఆమె ఎప్పుడూ పార్లమెంట్  సభ్యుల శ్రేయాన్నే దృష్టిలో పెట్టుకొంటారని అన్నారు.  ఈ ప్రాజెక్టు అనుకొన్న సమయానికి లోపలే, అంచనా వేసుకొన్న వ్యయంలోగానే చక్కగా పూర్తి అయిందని ప్రధాన మంత్రి అన్నారు.  ఈ పథకం నిర్మాణంలో పాలుపంచుకొన్న అందరినీ ఆయన అభినందించారు.   పార్లమెంటు సభ్యులు కొత్తగా ఎన్నికైనప్పుడు హోటళ్ళలో ఉండవలసి వస్తోందని, ఇటువంటి సందర్భాలు పతాక శీర్షికలకు ఎక్కుతున్నాయని ప్రధాన మంత్రి అన్నారు