బాలిక ను లాగిన కానిస్టేబుల్ సస్పెండ్
కరీంనగర్, ఏప్రిల్ 13
జలకు రక్షణ కల్పించాల్సిన క్రమశిక్షణ కలిగిన ఉద్యోగం చేస్తూ నీచంగా ప్రవర్తించాడో పోలీసు. ఓ మైనర్ బాలికను అనేకసార్లు తరుచూ వేధిస్తూ అసభ్యంగా ప్రవర్తించాడు. ఈ ఘటన బయటకు రావడంతో ఉన్నతాధికారులు చర్యలు తీసుకున్నారు. అతడిని విధుల నుంచి సస్పెండ్ చేస్తూ ఉత్తర్వులు జారీచేశారు. జగిత్యాల జిల్లా ధర్మపురికి చెందిన ఓ బాలిక(14) తెలంగాణ రాష్ట్ర అండర్-14 కబడ్డీ జట్టుకు కెప్టెన్‌గా వ్యవహరించింది. ఇటీవలే జాతీయ కబడ్డీ పోటీలకు ఎంపికైంది. క‌బ‌డ్డీలో మ‌రింత ప‌ట్టు సాధించేందుకు జ‌గిత్యాల జిల్లా మ‌ల్యాల మండ‌లానికి పీఈటీ ఆదేశాల మేర‌కు రెండు, మూడు సార్లు ప్రత్యేక కోచింగ్ తీసుకుంది. ఆమెకు ధర్మపురి పోలీస్‌స్టేషన్‌లో కానిస్టేబుల్‌గా పనిచేసే సురేందర్‌ కోచింగ్ ఇచ్చాడు. ఆ సమయంలో ఆమెపట్ల అసభ్యకరంగా ప్రవర్తిస్తూ లొంగదీసుకునేందుకు యత్నించాడు. అతడి ఉద్దేశాన్ని గమనించిన బాలిక కోచింగ్‌కు వెళ్లడం మానేసిందిఅయితే ఇటీవల ధర్మపురిలో జరిగిన లక్ష్మీనరసింహస్వామి బ్రహ్మోత్సవాల సందర్భంగా నిర్వహించిన రథోత్సవాన్ని చూసేందుకు బాలిక వెళ్లింది. అక్కడే విధుల్లో ఉన్న సురేందర్ బాలికపై అసభ్యకరంగా ప్రవర్తించాడు. ప్రైవేటు పార్ట్స్‌పై చేతులు వేస్తూ లైంగికంగా వేధించాడు. అతడి నుంచి తప్పించుకున్న బాలిక ఇంటికి వెళ్లి తల్లిదండ్రులకు విషయం చెప్పింది. దీంతో వారు కూతురిని పోలీస్‌స్టేషన్‌కు తీసుకెళ్లి సురేందర్‌పై ఫిర్యాదు చేశారు. సురేందర్‌పై పోక్సో చట్టం కింద కేసు నమోదు చేసిన పోలీసులు దర్యాప్తు చేపట్టారు. అతడిపై సస్పెండ్ చేస్తూ ఉన్నతాధికారులు ఉత్తర్వులు జారీచేశారు.