పిచ్చిపిచ్చిగా పోర్న్ వీడియోలు చూసేస్తున్న జనాలు
న్యూఢిల్లీ, ఏప్రిల్ 15 
ప్రపంచవ్యాప్తంగా ప్రస్తుతం కరోనా వైరస్ కలకలం రేపుతుంది. దీనిపై పోరాడేందుకు చాలా దేశాలు లాక్ డౌన్ విధించుకున్నాయి. భారత ప్రభుత్వం కూడా తొలుత విధించిన 21 రోజుల లాక్ డౌన్‌ను మే 3 వరకూ పొడిగించింది. దీంతో ప్రజలంతా ఇంట్లోనే ఉండాల్సి వస్తోంది. అందులో చాలా మంది తమ ఫోన్లకే అంకితమై, దానితో కాలక్షేపం చేస్తున్నారు. అయితే, అందులో ఏం చూస్తున్నారు? అనేది తాజాగా ఓ సంస్థ చేసిన సర్వేలో తేలింది. వివిధ వర్గాల వారు తమకు వయసును బట్టి ఆసక్తికరమైన కంటెంట్‌ను ఫోన్‌లో చూస్తున్నా.. మొత్తం కలిపి సరాసరిన ఏ రకం కంటెంట్ అత్యధికంగా చూస్తున్నారో ఆ సంస్థ సర్వేలో వెల్లడించింది. తాజాగా తెలిసిన విషయం ఏమిటంటే.. ఫోన్లో చాలా మంది చూసేవి మాములు చిత్రాలు కాదట.. ఎక్కువ మంది నీలి చిత్రాలు చూస్తున్నట్లుగా తేలింది. ప్రపంచంలోనే ప్రముఖ పోర్న్ వెబ్ సైట్ అయిన ‘పోర్న్ హబ్’ విడుదల చేసిన తాజా లెక్కలివీ.పోర్న్ హబ్ సంస్థ సర్వే చేసిన దాని ప్రకారం ప్రస్తుతం ఉన్న లాక్ డౌన్ పీరియడ్‌లో పోర్న్ ఎక్కువగా చూసే దేశాలలో భారత్ మొదటి స్థానంలో ఉండడం గమనార్హం. ఈ లాక్ డౌన్ విధించిన తర్వాతే తమకు ఏకంగా దాదాపు 60 శాతానికిపైగా వీక్షకులు పెరిగారని వెల్లడించింది. అయితే, దీనికి కారణం ప్రజలు అందరూ ఖాళీగా ఇంట్లోనే ఉండటం అని తెలుస్తోంది. చాలా మంది ఏమీ పొద్దు పోక ఈ వీడియోలు చూస్తూ ఆనందిస్తున్నట్లుగా వెల్లడవుతోంది. అంతేకాదు, మొత్తం భారత దేశంలో పోర్న్ కంటెంట్ సైట్లకు వీక్షకుల సంఖ్య 95 శాతం ఎక్కువ ట్రాఫిక్ పెరిగినట్లుగా లెక్కలు చెబుతున్నాయి.ఇదంతా ఈ మూడు వారాల సమయంలోనే పెరగడం గమనార్హం. స్మార్ట్ వినియోగం అత్యధికంగా పెరుగుతున్న భారత్‌లో పోర్న్ సైట్ల వీక్షణ పెరుగుతున్న నేపథ్యంలో గతేడాది మార్చిలో వాటిపై నిషేధం విధించారు. అన్ని ప్రముఖ మొబైల్ ఆపరేటింగ్ సంస్థలు పోర్న్ సైట్లు భారత్‌లో ఓపెన్ కాకుండా నిషేధం విధించాయి. ఇంత స్థాయిలో భారత్‌లో ఆంక్షలు ఉన్నా.. ప్రత్యేక మార్గాలు, డొమైన్ల ద్వారా పోర్న్ సైట్లను చూసేవారు సాధారణ సమయంలో 20 శాతం వీక్షకులు మాత్రమే పెరుగుతుంటారని ఆ సర్వేలో వెల్లడించారు. కానీ తాజా లాక్ డౌన్ సందర్భంగా విపరీతమైన ట్రాఫిక్ ఏర్పడడం ప్రాధాన్యం సంతరించుకుంది.ఇక లాక్ డౌన్ సమయంలో పోర్న్ ఎక్కువగా వీక్షించే దేశాలలో తొలి స్థానంలో భారత్ నిలవగా.. రెండో స్థానంలో ఫ్రాన్స్, తర్వాతి స్థానాల్లో జర్మనీ, ఇటలీ, రష్యా, సౌత్ కొరియా, స్పెయిన్, స్విట్జర్లాండ్, అమెరికా తర్వాతి స్థానాల్లో ఉన్నట్లు సర్వే వివరాలు తెలిపాయి. ఫ్రాన్స్‌లో లాక్ డౌన్ విధించిన మార్చి 17 తర్వాత ఆ ఒక్కరోజులోనే 40 శాతం ఎక్కువ ట్రాఫిక్ నమోదు కావడం గమనార్హం. జర్మనీ, ఇటలీ, రష్యా, సౌత్ కొరియా, స్పెయిన్, స్విట్జర్లాండ్‌‌ల్లోనూ ఆయా దేశాల్లో లాక్ డౌన్ విధించిన ఒకటి రెండు రోజుల్లోనే పోర్న్ వీక్షకుల గ్రాఫ్ ఒక్కసారిగా ఎగబాకిపోయింది.ప్రపంచ వ్యాప్తంగా కరోనా ఫీవర్‌తో ప్రజలంతా ఇళ్లకే పరిమితమవుతుంటే.. పోర్న్ సైట్లు మాత్రం దాన్ని క్యాష్ చేసుకొనే దిశగా ప్రయత్నిస్తున్నాయి. పోర్న్ హబ్ సంస్థ తమ వీక్షకులను పెంచుకొనేందుకు ఓ ఆఫర్‌ను కూడా ప్రకటించింది. ప్రపంచవ్యాప్తంగా ప్రజలు కాలక్షేపం కోసం కొత్త మార్గాలను అన్వేషిస్తూ పోర్న్ చూసే వైపు మొగ్గుతున్నారని తమ పరిశీలనలో తేలినట్లుగా ఆ సైట్ ప్రకటించింది. ఈ మేరకు తన అధికారిక ట్విటర్‌లో పోస్ట్ చేసింది. వీరిలో ఎక్కువగా యువతే ఉంటున్నట్లుగా వెల్లడించింది. అయితే, వీరిని ఆకట్టుకొనేందుకు పోర్న్‌ హబ్ ప్రీమియం సబ్స్‌క్రిప్షన్‌ను ఉచితంగా అందిస్తోందని ఓ అంతర్జాతీయ వార్తా సంస్థ వెల్లడించింది