మంజుల ఘ‌ట్ట‌మ‌నేని ద‌ర్శ‌క‌త్వంలో రూపొందిన  చిత్రం 'మ‌న‌సుకు న‌చ్చింది'. సందీప్ కిష‌న్‌, అమైరా ద‌స్త‌ర్‌, త్రిధా చౌద‌రి హీరోహీరోయిన్లుగా న‌టించిన ఈ సినిమాని ఆనంది ఆర్ట్ క్రియేష‌న్స్, ఇందిరా ప్రొడ‌క్ష‌న్స్ సంస్థ‌లు నిర్మించాయి. సెన్సార్ కార్య‌క్రమాలు పూర్తి చేసుకున్న ఈ సినిమా 'క్లీన్ యు' స‌ర్టిఫికేట్ పొందింది. కాగా, ర‌థ‌న్ సంగీత‌మందించిన ఈ చిత్రాన్ని తొలుత జ‌న‌వ‌రి 26న విడుద‌ల చేయాల‌నుకున్నారు. అయితే, కొన్ని కార‌ణాల వ‌ల్ల ఈ సినిమాని ఫిబ్ర‌వ‌రి 16కి వాయిదా వేశారు.