లక్నోలో దుర్మార్గులు దుశ్చర్య  పారిశుధ్య కార్మికుడిని చావగొట్టి.. శానిటైజర్ తాగించి 

లక్నో: 19  దేశం మొత్తం కరోనాపై పోరులో ఉంటే  ముఖ్యంగా ఆరోగ్య, పారిశుధ్య సిబ్బంది ఈ యుద్ధంలో ముందుండి అందరి ప్రాణాలు కాపాడటానికి అహర్నిశలు శ్రమిస్తుంటే  కొందరు దుర్మార్గులు తమ దుర్బుద్ధి చాటుకొంటున్నారు. ఆరోగ్య, పారిశుధ్య కార్మికులపై దాడులకు తెగబడుతున్నారు. ఇటీవల ఉత్తరప్రదేశ్‌లోని రామ్‌పూర్ జిల్లాలో ఇలాంటిదే ఓ ఘటన జరిగింది. మోతిపూరాలో శానిటైజేషన్‌ డ్యూటీ చేస్తున్న ఓ పారిశుధ్య కార్మికుడిపై కొందరు దుండగులు దాడి చేశారు. ఆ యువకుడిని చావగొట్టారు. అయినా కసి తీరకపోవడంతో ప్రజల ప్రాణాలు కాపాడటం కోసం అతను రోడ్డుపై చల్లుతున్న శానిటైజర్ తీసుకొని బలవంతంగా తాగించారు. ఈ దారుణమైన ఘటన ఏప్రిల్ 14న జరిగింది. ఈ ఘటనలో తీవ్రంగా గాయపడిన పారిశుధ్య కార్మికుడు.. ఆస్పత్రిలో చికిత్స పొందుతూ మూడ్రోజుల తర్వాత మరణించాడు. ఈ ఘటనపై కేసు నమోదు చేసి  ఐదుగురు వ్యక్తులను అరెస్టు చేశామని రామ్‌పూర్ అదనపు ఎస్పీ తెలియజేశారు.