అధికారులను అడ్డుకున్న స్థానికులు..బాకికేడ్ల ధ్వంసం
బెంగళూరు ఏప్రిల్ 20
కర్నాటకలోని బెంగళూరులో హెల్త్ వర్కర్లు, పోలీసులు, అధికారులపై స్థానికులు దాడికి దిగారు. టిన్ షీట్లు, బారికేడ్లను తొలగించారు. బెంగళూరు సమీపంలో పండ్రాయపురాలో ఈ ఘటన జరిగింది. 18 కరోనా కేసులు నమోదు కావడంతో ఈ ఏరియాను ఇదివరకే రెడ్ జోన్ గా ప్రకటించి సీల్ చేశారు. ఢిల్లీలోని నిజాముద్దీన్ కు వెళ్లొచ్చిన ముగ్గురికి కరోనా పాజిటివ్ రావడంతో వారితో కాంటాక్ట్ అయినవారిని అధికారులు గుర్తించారు. వారందర్నీ క్వారంటైన్ కు తరలించేందుకు ఆదివారం రాత్రి 7 గంటలకు హెల్త్ వర్కర్లు, పోలీసులు, అధికారుల టీమ్ చేరుకుంది. 200 మంది స్థానికులు వారిని అడ్డుకున్నారు. స్పాట్ లోనే టెస్టులు చేయాలని డిమాండ్ చేశారు. ఆగ్రహంతో టిన్ షీట్లు, బారికేడ్లను తొలగించారు. ఘటనా స్థలికి చేరుకున్న పోలీసులు నిందితులను అరెస్టు చేశారు.