మహేష్ బాబు ‘భరత్ అనే నేను’ మూవీ విడుదల తేదీని ఖరారు చేసుకోవడంతో ఈ మూవీ అప్డేట్స్ కోసం ప్రిన్స్ అభిమానులు ఎంతగానో ఎదురుచూస్తున్నారు. డీవీవీ ఎంటర్టైన్మెంట్స్ పతాకంపై డీవీవీ దానయ్య ఈ చిత్రానికి నిర్మాతగా వ్యవహరిస్తున్నారు. ఈ మూవీలో మహేష్ సరసన బాలీవుడ్ బ్యూటీ కైరా అద్వాని హీరోయిన్‌గా నటిస్తుండగా.. దేవి శ్రీ ప్రసాద్ సంగీతం అందిస్తున్నారు. భరత్ అనే నేను’ సినిమా చివరి షెడ్యూల్ స్పెయిన్‌లో పూర్తి చేసుకుంది. స్పెయిన్‌లో ఈ మూవీలోని కీలక సన్నివేశాలతో పాటు మేజర్ పార్ట్ సాంగ్స్‌ని కొరియోగ్రాఫర్ రాజు సుందరం ఆధ్వర్యంలో చిత్రీకరణ జరుపుకుందిభారీ అంచనాలతో ప్రపంచ వ్యాప్తంగా ‘భరత్ అనే నేను’ ఏప్రిల్ 20న ప్రేక్షకుల ముందుకు రానుంది.‘శ్రీమంతుడు’ లాంటి బ్లాక్ బస్టర్ హిట్ తరువాత కొరటాల - మహేష్ కాంబినేషన్ మూవీ కావడంతో ఈ చిత్రంపై భారీ అంచనాలు ఉన్నాయి. ఇక ఈ మూవీలో మహేష్‌బాబు ముఖ్యమంత్రిగా నటిస్తుండటం ఈ అంచనాలు మరింత రెట్టింపయ్యాయి.  మూవీ ప్రి రిలీజ్ ఈవెంట్‌ను ‘భరత్ బహిరంగ సభ’ పేరుతో ఈనెల 7న హైదరాబాద్‌లోని ఎల్ బి స్టేడియంలో వైభవంగా నిర్వహించేందుకు ఘనమైన ఏర్పాట్లలలో నిమగ్నమైంది చిత్ర యూనిట్. ఈ బిగ్ ఈవెంట్‌కు రామ్ చరణ్ తేజ్, జూనియర్ ఎన్టీఆర్‌ ముఖ్య అతిథులుగా హాజరౌతున్నట్లు సమాచారం.