వాడుకుని... వదిలేశాడు
లక్నో, ఏప్రిల్ 22
మూడేళ్లు కలిసి తిరిగిన ప్రియుడు పెళ్లి మాటెత్తగానే ముఖం చాటేశాడు. ఆమెకి కనిపించకుండా తప్పించుకు తిరుగుతుండడంతో గట్టిగా నిలదీసింది. పెళ్లి చేసుకోనని తెగేసి చెప్పడంతో కుటుంబం మొత్తాన్ని జైలుపాలు చేసింది.పెళ్లి చేసుకుంటానని నమ్మించి ప్రియురాలిని శారీరకంగా లోబరుచుకుని ఎంజాయ్ చేసిన ప్రియుడు మోజు తీరాక ముఖం చాటేశాడు. పెళ్లి గురించి అడిగితే తప్పించుకుని తిరగడమే కాకుండా చంపేస్తానని బెదిరించాడు. ఆగ్రహంతో రగిలిపోయిన ప్రియురాలు అదిరిపోయే షాకిచ్చింది. ప్రియుడితో సహా కుటుంబ సభ్యులు మొత్తాన్ని కటకటాలవెనక్కి నెట్టించింది. ఈ ఘటన ఉత్తర్ ప్రదేశ్‌లోని పిలిభిత్ జిల్లాలో చోటుచేసుకుంది.బఖేరా ప్రాంతానికి చెందిన యువతి(20) అదే ప్రాంతానికి చెందిన యువకుడు(24) కొన్నేళ్లుగా ప్రేమించుకుంటున్నారు. ఇద్దరి ఇళ్లు ఇరుగుపొరుగు కావడంతో తరచూ కలుసుకునేవారు. ప్రియురాలిని పెళ్లి చేసుకుంటానని నమ్మించి లోబరుచుకుని మూడేళ్లుగా శారీరక వాంఛలు తీర్చుకున్నాడు ప్రియుడు. తీరా పెళ్లి విషయం ఎత్తేసరికి ఆమెని దూరం పెట్టడం మొదలుపెట్టాడు.ఆమె ఎన్నిసార్లు అడిగినా తప్పించుకు తిరుగుతున్న ప్రియుడిని గట్టిగా నిలదీయడంతో పెళ్లి చేసుకోనని తెగేసి చెప్పేశాడు. ఇకపై ఆ ప్రస్తావన తీసుకురావొద్దని.. మరోసారి పెళ్లి గురించి అడిగితే చంపేస్తానని బెదిరించాడు. దీంతో యువతి విషయం తల్లిదండ్రలుకు చెప్పి భోరుమంది. ఇదే విషయమై ప్రియుడి తల్లిదండ్రులతో మాట్లాడేందుకు యువతి తండ్రి వెళ్లాడు.ప్రియుడి కుటుంబ సభ్యులు అదే రీతిలో బాధితురాలి తండ్రిని దూషించడంతో పాటు పెళ్లి చేసుకునేది లేదని స్పష్టం చేయడంతో పోలీసులను ఆశ్రయించారు. పెళ్లి చేసుకుంటానని నమ్మించి మూడేళ్లుగా తనపై అత్యాచారం చేశాడని యువతి పోలీసులకు ఫిర్యాదు చేసింది. అడిగేందుకు వెళ్లిన తన తండ్రిపై దాడి చేశారని కంప్లైంట్ చేయడంతో పోలీసులు కేసు నమోదు చేశారు.ప్రియుడిపై రేప్ కేసు నమోదు చేసిన పోలీసులు అరెస్టు చేశారు. బాధితురాలి కుటుంబ సభ్యులపై దాడికి పాల్పడినందుకు యువకుడి తల్లిదండ్రులు, ఇద్దరు బాబాయిలను కటకటాల వెనక్కి నెట్టారు. నిందితులపై ఉద్దేశపూర్వకంగా అవమానించడం, నేరపూరిన ప్రవర్తన కింద కేసులు నమోదయ్యాయి.