మాజీ ప్రధాని మన్మోహన్‌ సింగ్‌ జీవితం ఆధారంగా బాలీవుడ్‌లో ఓ బయోపిక్‌ తెరకెక్కుతోంది. సీనియర్ నటుడు అనుపమ్‌ ఖేర్‌ దీంట్లో టైటిల్‌ రోల్‌ పోషిస్తున్నారు. మూవీకి సంబంధించిన ఫస్ట్‌లుక్‌ను అభిమానులతో పంచుకున్నారు.సంజయ్‌బారు రాసిన పుస్తకం ఆధారంగా అదే పేరుతో ఈ సినిమా తెరకెక్కుతోంది అని ఆయన ట్వీట్ చేశారు.ది యాక్సిడెంటల్‌ ప్రైమ్‌ మినిస్టర్‌ సినిమా ఫస్ట్‌లుక్‌ను పంచుకోవడం సంతోషంగా ఉందని అనుపమ్ పేర్కొన్నారు. . ఇందులో టైటిల్‌ రోల్‌ పోషించడం తనకు సవాల్‌ లాంటిందన్నారు. చిత్రంలో సంజయ్‌బారుగా అక్షయ్‌ ఖన్నా, సోనియా గాంధీగా సజ్జన్‌ బెర్నర్ట్‌ అలరించనున్నారు.రాహుల్ పాత్ర ఎవ‌రు పోషిస్తున్నార‌నేది తెలియాల్సి ఉంది. సలీమ్‌-సలైమన్‌ సంగీతం అందిస్తున్న ఈ సినిమాను 2019 ఎన్నికల నేపథ్యంలో డిసెంబర్‌ 21న విడుదల చేసేందుకు సన్నాహాలు చేస్తున్నారు.కొద్ది నెలలుగా ఆయన గురించి స్టడీ చేస్తున్నా. మన్మోహన్‌ పాత్రను ఆకళింపు చేసుకుంటున్నా. వాస్తవికతకు దగ్గరగా ఉండేలా ప్రయత్నిస్తున్నా’ అని అనుపమ్‌ ఖేర్ రాసుకొచ్చారు.