గురువులకే గురువు సాక్ష్యాత్ శ్రీ మహా విష్ణువు అవతారమైన శ్రీ శ్రీ శ్రీ శ్రీమద్ విరాట్  పోతులూరి వీర బ్రహ్మేంద్రస్వామి సజీవ సమాధి గావించిన పర్వదినం కనుక  యావన్మందికి వినయపూర్వకముగా నమస్కరించి విన్నవించుకొనునది ఏమనగా...
*స్వస్తిశ్రీ చాంద్రమాన శ్రీ శార్వరి నామ సంవత్సర వైశాఖ శుద్ధ దశమి అనగా తేది 2-5-2020 స్థిరవారం, న యావత్ ప్రపంచానికి కాలజ్ఞానం ను బోధించిన శ్రీ శ్రీ శ్రీ శ్రీమద్ విరాట్  పోతులూరి వీర బ్రహ్మేంద్రస్వామి వారి 327 వ ఆరాధన గురుపూజా  మహోత్సవ దినం* .  అనగా శ్రీ స్వామివారు సజీవ సమాధి నిష్ట వహించిన పవిత్ర పర్వదినం. ప్రతి సంవత్సరం మనం జరుపుకున్నట్లుగా ఈ ఉత్సవం ఈ సంవత్సరం జరుపుకోలేకపోతున్నాము. కారణం కరోనా మహమ్మారి వలన మనం ఎక్కడి వాళ్ళం అక్కడే ఉండవలసిన పరిస్థితి.  రాష్ట్రంలో ఉన్న అన్ని ఆలయాలతో పాటు కందిమల్లాయపల్లి లోనున్న మన వీరబ్రహ్మేంద్ర స్వామి వారి మఠంలో కూడ ఈ ఉత్సవాలు మానుకొని పూజా కార్యక్రమాలతోనే సరిపెట్టుకొనే పరిస్థితి చూస్తున్నాం. అందుచేత  మనమందరం ఆనాడు ఎవరి ఇళ్లలో వారే ఉండి ఈ జేజినాయన పూజలు జరుపుకోవాలని, అలాగే ఆ స్వామి మనకిచ్చిన *ద్వాదశాక్షరి మహా మంత్రం " ఓం హ్రీo క్లీo శ్రీo శివాయ బ్రహ్మణే నమః"* అనే మహా మంత్రాన్ని 108 లేదా 1008 సార్లు  పర్యాయములు జపించి ఆ స్వామిని ప్రసన్నం చేసుకొని తరించి, ఈ విపత్కర పరిస్థితుల నుంచి బయట పడడానికి ప్రయత్నించవలసినదిగా కోరుతున్నాను. ఈ విధానాన్ని అందరు అత్యంత భక్తి ప్రపత్తులతో  తప్పకుండా పాటించి స్వామి వారి కృపకు పాత్రులు కాగలరని,  తద్వారా స్వామి వారి నిదర్శనాన్ని కూడ అందరికి తెలియజేయగలరు.
స్వామి భక్తులు పూజ చేసి తరించగలరు.

వరకాల మురళి మోహన్ సౌజన్యంతో