సెక్స్ వర్కర్లకు లైంగిక కష్టాలు
ముంబై, మే 6,
కరోనా వైరస్ను కట్టడి చేసేందుకు అనేక దేశాలు లాక్ డౌన్ విధించిన సంగతి తెలిసిందే. దీంతో కొందరేమో ఆకలితో అలమటిస్తుంటే.. మరి కొందరేమో వ్యక్తిగత సుఖాల కోసం వెంపర్లాడుతున్నారు. లాక్డౌన్ కారణంగా సెక్స్ వర్కర్లకు కూడా పనిలేక అర్ధాకలితో ఉంటున్నారు. ఆదాయం లేక పస్తులుంటున్నా కూడా వారు నిబంధనలు మీరకుండా ఆదర్శంగా నిలుస్తున్నారు. అయితే కొందరు భోగ పురుషులు మాత్రం తమకు లైంగిక సుఖం అందించాలంటూ వారిని ఒత్తిడి చేయడం కలకలం రేపుతోంది. అలాంటి రసిక ప్రియుల పిచ్చి ఏ స్థాయిలో ఉందో న్యూజిలాండ్కు చెందిన సెక్స్ వర్కర్ తన అనుభవాలను బయటపెట్టింది. న్యూజిలాండ్లోని తౌరంగాకు చెందిన మహిళ(40) సెక్స్ వర్కర్గా పనిచేస్తూ కుటుంబాన్ని పోషించుకుటోంది. లాక్డౌన్ పీరియడ్లో నిబంధనలు పాటిస్తూ తాను వ్యభిచారాన్ని మానుకున్నానని, అయితే తనకు రోజుకు 6-7 మంది విటులు తనకు ఫోన్ చేస్తున్నట్లు చెబుతోంది. వారంతా తమకు లైంగిక సుఖం అందించాలని ఒత్తిడి తెస్తున్నారని తెలిపింది‘రోజూ నాకు అనేక మంది సెక్స్ కావాలంటూ మెసేజ్లు పెడుతున్నారు. లాక్డౌన్ పీరియడ్లో ఇలాంటివేమీ కురదవని చెబుతున్నా వారు వినడం లేదు. కొందరు ఎంత చెప్పినా వినకుండా పదేపదే మెసేజ్లు పెడుతున్నారు. ఇటీవల బాగా విసిగించిన ఓ వ్యక్తి నుంచి తప్పించుకునేందుకు నాకు కరోనా వచ్చిందని చెప్పాను. దానికి అతడిచ్చిన సమాధానం చూసి షాకయ్యా. కరోనా వచ్చినా తనకు ఎలాంటి అభ్యంతరం లేదని, తనతో సెక్స్ చేయాలని అతడు ఇబ్బంది పెట్టాడు. లాక్డౌన్ పాటించకుండా చాలామంది ఇలాగే నిర్లక్ష్యంగా ఉన్నారు’ అని ఆ సెక్స్వర్కర్ ఆవేదన వ్యక్తం చేసింది.‘నేను సెక్స్ సుఖం అందించడం కుదరదని చెబితే ఊరుకోకుండా మరో సెక్స్వర్కర్ను సంప్రదిస్తున్నారు. ఇతర దేశాల్లో పరిస్థితులను గమనిస్తుంటే భయం కలుగుతోంది. కరోనా నుంచి బయటపడాలంటే లాక్డౌన్ కచ్చితంగా పాటించాల్సిందే. న్యూజిలాండ్లో వ్యభిచారం చట్టబద్ధమైనప్పటికీ ఇలాంటి విపత్కర సమయంలో ఎవరూ వ్యభిచారం చేయడం లేదు. నేను వారానికి 1600 డాలర్లు సంపాదించేదాన్ని. ఇప్పుడు ప్రభుత్వం మాకు నెలకు 585 డాలర్లు భృతిని అందిస్తోంది. అధికారికంగా వ్యభిచారం చేసే వారందరికీ ప్రభుత్వం ఈ భృతి ఇస్తోంది. ప్రభుత్వం అందించే సాయం పూర్తి అవసరాలను తీర్చకపోయినా.. నా సేవింగ్స్తో నెట్టుకొస్తున్నాను.ప్రాస్టిట్యూట్స్ కలెక్టివ్ నేషనల్ కోఆర్డినేటర్ డేమ్ కేథరిన్ దీనిపై మాట్లాడుతూ.. సెక్స్ వర్కర్లపై కస్టమర్ల నుంచి ఒత్తిడి పెరుగుతోంది. న్యూజిలాండ్లో చాలామంది మగాళ్లు సెక్స్ సుఖం కోసం భారీగా ఖర్చు చేస్తుంటారు. ఇక్కడ వ్యభిచారం చట్టబద్ధం కావడంతో సెక్స్వర్కర్లతో యథేచ్చగా ఎంజాయ్ చేస్తుంటారు. ఇలా రసిక క్రీడకు అలవాటు పడిన వారంతా లాక్డౌన్ కారణంగా ఇబ్బంది పడుతున్నారు. కోరికలు ఆపుకోలేక తమకు లైంగిక సుఖం అందించాలంటూ సెక్స్వర్కర్లను ఒత్తిడి చేస్తున్నారు. కానీ సామాన్య ప్రజల కంటే సెక్స్ వర్కర్లే లాక్ డౌన్ పట్ల నిబద్ధతతో వ్యవహరిస్తున్నారు. ఇలాంటి విపత్కర సమయంలో వ్యభిచారం పెరిగితే కరోనాను కట్టడి చేయడం కష్టం’ అని అన్నారు