విశాఖ గ్యాస్‌ లీక్‌పై స్పందించిన ఏపీ హైకోర్టు
అమరావతి మే 07
విశాఖ గ్యాస్‌ లీక్‌ దుర్ఘటనపై ఏపీ హైకోర్టు స్పందించింది. ఈ దుర్ఘటనను సుమోటోగా హైకోర్టు స్వీకరించింది. ఈ ఘటనను సుమోటోటా స్వీకరించడం అనేది ప్రభుత్వానికి వ్యతిరేకం కాదని.. ఈ దుర్ఘటన ప్రజల ప్రాణాలతో కూడుకున్న నేపథ్యంలోనే సుమోటోగా స్వీకరించినట్లు ఉన్నత న్యాయస్థానం స్పష్టం చేసింది. అయితే జనావాసాల మధ్య అలాంటి పరిశ్రమ ఎలా ఉందని న్యాయస్థానం విచారణ సందర్భంలో అభిప్రాయం వ్యక్తం చేసింది. ఈ మేరకు కేంద్ర, రాష్ట్ర ప్రభుత్వాలకు ఉన్నత న్యాయస్థానం నోటీసులు జారీ చేసింది. దీనికి సంబంధించి ఏపీ హైకోర్టు బార్ అసోసియేషన్ అధ్యక్షుడిని అమికస్‌ క్యూరీగా నియమిస్తూ ఆదేశాలు జారీ చేసింది. దీనికి సంబంధించిన విచారణను కోర్టు వచ్చే వారానికి వాయిదా వేసింది.