ఎన్ కౌంటర్ ఎస్సై, నలుగురు నక్సల్స్ మృతి
రాయపూర్ మే 09
ఛత్తీస్గఢ్ లోని పర్ధోనీ గ్రామంలో శుక్రవారం రాత్రి ఎన్ కౌంటర్  జరిగింది. ఈ ఘటనలో నలుగురు నక్సలైట్లు మృతి చెందారు. కాల్పుల్లో ఓ ఎస్సై కూడా ప్రాణాలు కోల్పోయారు.. మన్పూర్ పోలీసుస్టేషను పరిధిలోని పర్ధోనీ గ్రామ సమీపంలోని అడవుల్లో సాయుధ పోలీసులు గాలిస్తుండగా మావోయిస్టులు కాల్పులు జరిపారు. పోలీసులు ఎదురుకాల్పులు ప్రారంభించారు. ఈ కాల్పుల్లో ఓ పోలీసు సబ్ ఇన్స్పెక్టరు తీవ్రంగా గాయపడి అనంతరం మరణించారు. పోలీసు కాల్పుల్లో నలుగురు నిషేధిత గ్రూపు మావోయిస్టులు మరణించారు. మావోయిస్టుల నుంచి ఒక ఏకే -47 రైఫిల్, ఒక ఎస్ఎల్ఆర్, రెండు బోర్ రైఫిల్స్ ను స్వాధీనం చేసుకున్నామని రాజ్ నంద్ గావ్ జిల్లా ఏఎస్పీ బాఘేల్ చెప్పారు.