.jpg)
ముంబైలో కీచక టీచర్
ముంబై, మే 9
మహిళలు బయటికి వస్తేనే బిక్కుబిక్కుమంటూ గడపాల్సిన పరిస్థితులు దాపురించాయి. ఎక్కడ పడితే అక్కడ మహిళలకు లైంగిక వేధింపులు ఎదురవుతూనే ఉన్నాయి. బస్సులు, ఆఫీసులు, స్కూళ్లు.. ప్రతిచోటా వేధింపుల ఘటనలు వెలుగుచూస్తూనే ఉన్నాయి. విద్యాబుద్ధులు నేర్పాల్సిన గురువే కీచకుడిగా మారి విద్యార్థులను లైంగికంగా హింసించిన ఘటన తాజాగా ముంబైలో వెలుగుచూసింది. విద్యార్థులు స్కూల్ యాజమాన్యానికి ఈ మెయిల్ ద్వారా ఫిర్యాదు చేయడంతో అసలు విషయం వెలుగులోకి వచ్చింది.నవీ ముంబైలోని ఓ సీబీఎస్‌ఈ స్కూల్ టీచర్ కీచకుడిగా మారాడు. అమ్మాయిలను అసభ్యంగా తాకుతూ ఇబ్బందులకు గురిచేశాడు. విద్యర్థినుల బ్రా సైజ్, కలర్‌పై కామెంట్స్ చేస్తూ పైశాచికానందం పొందేవాడు. అమ్మాయిలు ధరించిన స్కర్ట్స్ పొడవుపైనా అనుచిత వ్యాఖ్యలు చేస్తూ లైంగిక వేధింపులకు గురిచేశాడు. ఆ కామపిశాచి అబ్బాయిలనూ వదల్లేదట. అబ్బాయిల పిరుదులపై కొడుతూ పైశాచికానందం పొందేవాడని ఫిర్యాదులొచ్చాయి.ఇన్‌స్టాగ్రామ్‌ చాట్‌లో టీచర్ అసభ్యకర వ్యాఖ్యలు చేసినట్లు ఓ విద్యార్థిని యాజమాన్యానికి కంప్లైంట్ చేసింది. తన బాడీపై అనుచిత వ్యాఖ్యలు చేశాడని.. బ్రా సైజ్ గురించి ప్రస్తావిస్తూ అవి బాగా పెరిగాయంటూ నీచంగా ప్రవర్తించాడని ఆమె ఫిర్యాదు చేసింది. వర్షంలో తడిసి వచ్చిన సమయంలో తన బ్రా కలర్‌ని ఉద్దేశిస్తూ అసభ్యకర వ్యాఖ్యలు చేశాడని మరో విద్యార్థిని ఫిర్యాదు చేసినట్లు సమాచారం. అమ్మాయిల నడుముపై చేయివేసి లాగుతూ పర్సనల్‌గా మాట్లడాలి రమ్మని పిలిచేవాడని ఆరోపణలు చేశారు. ఆ కామపిశాచి అబ్బాయిలనూ వదల్లేదని.. తనను దగ్గరకు లాగి పిరుదులపై కొడుతూ వేధింపులకు పాల్పడినట్లు ఓ అబ్బాయి కూడా ఫిర్యాదు చేశాడు.గత ఐదేళ్లలో ఇలాంటి ఘటనలు చాలా జరిగాయని.. చాలా మంది విద్యార్థులను సదరు కీచక టీచర్ వేధింపులకు గురిచేశాడని ఫిర్యాదులో పేర్కొన్నట్లు తెలుస్తోంది. అయితే అవన్నీ ఆరోపణలనేనని సదరు కీచక టీచర్ కొట్టిపారేయడంతో పాటు విద్యార్థులపై బెదిరింపులకు పాల్పడ్డాడు. ఆమె హద్దులు దాటి ప్రవర్తిస్తోందని.. వేధింపులకు పాల్పడితే ఇన్ని రోజులు ఎందుకు మౌనంగా ఉందంటూ ఎదురుదాడికి దిగాడు. వర్షంలో తడవడంతో ముదురు రంగు బ్రా కనిపిస్తే బాలేదని చెప్పా.. అంతే అంటూ సింపుల్‌గా కొట్టిపారేశాడు. అయితే విద్యార్థుల ఫిర్యాదులను సీరియస్‌గా తీసుకున్న ప్రిన్సిపాల్ సమగ్ర విచారణ జరిపిస్తామని తెలిపారు