రాజమండ్రిలో మెడికల్ కాలేజీ
రాజమండ్రి, మే 9
రాజమండ్రిలో మెడికల్ కాలేజీ ఏర్పాటు చేసేందుకు లైన్ క్లియర్ అయిందని వైసీపీ ఎమ్మెల్యే జక్కంపూరి రాజా అన్నారు. మెడికల్ కాలేజీ నిర్మాణానికి 50 ఎకరాల స్థలం అవసరం అవుతుందన్నారుతూర్పు గోదావరి జిల్లా రాజమండ్రిలో మెడికల్‌ కాలేజీ ఏర్పాటు చేసేందుకు లైన్‌ క్లియర్‌ అయిందని వైఎస్సార్‌సీపీ ఎమ్మెల్యే, కాపు కార్పొరేషన్ చైర్మన్ జక్కంపూడి రాజా అన్నారు. శనివారం ఎమ్మెల్యే రాజా మీడయాతో మాట్లాడుతూ.. రాజమండ్రిలో ప్రభుత్వ వైద్య కళాశాల ఏర్పాటుకు మొదటి దశలోనే అనుమతులు వచ్చే అవకాశం ఉందని వెల్లడించారు. మెడికల్ కాలేజీ నిర్మాణానికి 50 ఎకరాల స్థలం అవసరం అవుతుందని తెలిపారు.రాజమండ్రిలో ప్రస్తుతమున్న ప్రభుత్వ ఆస్పత్రికి అనుబంధంగా మెడికల్ కళాశాల ఏర్పాటు కానుందని ఎమ్మెల్యే రాజా వెల్లడించారు. రాజమండ్రి ప్రభుత్వ ఆస్పత్రిలో వెయ్యి పడకలు ఏర్పాటు చేస్తామన్నారు. అవసరమైతే మరో 30 ఎకరాల భూసేకరణకు ప్రయత్నిస్తామని రాజా తెలిపారు. దీనికి సంబంధించి ఇప్పటికే రెండు మూడు చోట్ల ప్రభుత్వ భూములు పరిశీలించామని ఆయన చెప్పారు.రాజమండ్రిలో ప్రభుత్వ వైద్య కళాశాల ఏర్పాటు చేస్తే స్థానికులతో పాటు ఇతర జిల్లాల వారికి కూడా ఎంతో ఉపయోగంగా ఉంటుందని ఎమ్మెల్యే రాజా అభిప్రాయపడ్డారుు. ఎంత ఖర్చయినా ప్రతి ఒక్క లబ్ధిదారునికి ఇంటి స్థలం అందించాలనేది ముఖ్యమంత్రి వైఎస్ జగన్మోహన్‌రెడ్డి కల అని పేర్కొన్నారు. దానికి అనుగుణంగానే చర్యలు చేపడుతున్నామని జక్కపూడి రాజా తెలిపారు.