ఇంటివాడైన హీరో నిఖిల్
హైదరాబాద్ మే 14,
యంగ్ హీరో నిఖిల్ ఎట్టకేలకి తన ప్రేయసితో ఏడడుగులు వేశాడు. గురువారం  ఉదయం 6.31ని.లకి నిఖిల్ వివాహం పల్లవివర్మతో నిరాడంబరంగా జరిగింది.  కేవలం కుటుంబ సభ్యులు, సన్నిహితుల సమక్షంలో షామీర్పేట్లోని ఓ ప్రైవేటు గెస్ట్హౌస్లో వీరి వివాహం జరిగింది. బుధవారం రోజు నిఖిల్ని పెళ్లి కొడుకుని చేయగా, పసుపురంగు షేర్వాణీలో మెరిసారు . నిఖిల్ ఫొటోలు  అభిమానుల్ని ఎంతగానో ఆకట్టుకున్నాయి.  అసలు నిఖిల్, పల్లవివర్మ వివాహం ఏప్రిల్ 16న జరగాల్సి ఉండగా,  కరోనా ప్రభావంతో వాయిదాపడింది.