.jpg)
కరోనా ల్యాబ్ లోనే పుట్టింది
న్యూఢిల్లీ, మే 14,
ప్రపంచాన్ని వణికిస్తున్న ప్రాణాంతక కరోనా వైరస్ వుహాన్‌లోని ఓ సముద్ర ఉత్పత్తుల మార్కెట్‌లోనే పుట్టిందని చైనా ప్రకటించింది. అయితే, ఇది ల్యాబ్‌లోనే తయారయ్యిందని అమెరికా సహా పలు దేశాలు ఆరోపిస్తున్నాయి.కరోనా వైరస్‌ను ల్యాబ్‌లోనే జన్యుపరంగా అభివృద్ధి, ఇది సహజసిద్ధంగా వచ్చింది కాదని అమెరికా సహా పలు దేశాలు ఆరోపణలు గుప్పిస్తోన్న విషయం తెలిసిందే. తాజాగా, కేంద్ర మంత్రి నిత్ గడ్కరీ సైతం ఇలాంటి వ్యాఖ్యలే చేయడం ప్రాధాన్యత సంతరించుకుంది. కరోనా వైరస్ ల్యాబ్‌లోంచే వచ్చిందని బుధవారం ఓ జాతీయ మీడియాకు ఇచ్చిన ఇంటర్వ్యూలో వ్యాఖ్యానించారు. ఇది సహజసిద్ధంగా వచ్చిన వైరస్ కాదని, ఇది ల్యాబ్‌లో పుట్టిందని అన్నారు. అమెరికా అధ్యక్షుడు పదే పదే వైరస్‌ను ల్యాబ్‌లోనే చైనా తయారుచేసిందని ఆరోపిస్తున్నారు. ఈ నేపథ్యంలో గడ్కరీ వ్యాఖ్యలకు ప్రాధాన్యత ఏర్పడింది.మనం కరోనాతో కలిసి బతకడం అలవాటు చేసుకోవాలి.. ఎందుకంటే ఈ వైరస్ సహజ సిద్ధంగా వచ్చింది కాదు. ల్యాబ్‌లోంచి వచ్చింది. వైరస్ మూలాల గురించి ప్రపంచవ్యాప్తంగా పలు దేశాలు దీనికి వ్యాక్సిన్ అభివృద్ధికి ముమ్మరంగా ప్రయత్నాలు చేస్తున్నాయి. ఇంత వరకు వ్యాక్సిన్ రాలేదు.. వ్యాక్సిన్ అందుబాటులోకి వస్తే ఎలాంటి సమస్య ఉండదు’ అని గడ్కరీ అన్నారు.‘రెండో సమస్య డిటెక్షన్ మెథడాలజీ.. దాని కోసం సరైన పద్దతి అవసరం.. దీని వల్ల తక్షణమే వైరస్‌ను గుర్తించగలం.. ఇది ప్రమాదవశాత్తు ప్రయోగశాల నుంచి వచ్చిన వైరస్.. ఇది సహజమైంది కాదు, కాబట్టి భారత్ సహా ప్రపంచం, శాస్త్రవేత్తలు సిద్ధంగా ఉన్నారు. దీనికి పరిష్కారం కనుగొన్న తరువాత విశ్వాసాన్ని సృష్టించగలం. టీకా అందుబాటులోకి వచ్చిన తరువాత ఎటువంటి సమస్య ఉండదు’ వ్యాఖ్యానించారు.కరోనా వైరస్‌పై పోరుతోపాటు ఆర్ధిక యుద్ధం కూడా చేయాల్సి అవసరం ఉంటుంది.. మనది పేద దేశం కాబట్టి నెలలు నెలలు లాక్‌డౌన్ కొనసాగించలేమని స్పష్టం చేశారు. లాక్‌డౌన్ కారణంగా పనుల్లేక వివిధ ప్రాంతాల్లో చిక్కుకున్న వలస కార్మికులు భయంతో స్వస్థలాలకు వెళ్లిపోతున్నారని, ఆర్ధిక కార్యకలాపాలు ప్రారంభమైన తర్వాత వారి తిరిగొస్తారనే ఆశాభావం వ్యక్తం చేశారు