.jpg)
రాణాకు శ్రీ రెడ్డి విషెస్
హైద్రాబాద్, మే 14,
లాక్ డౌన్‌‌లో పెళ్లిబాజాలు గట్టిగానే మోగుతున్నాయి. టాలీవుడ్‌లో అయితే దిల్ రాజు, నిఖిల్‌, జబర్దస్త్ మహేష్‌లు పెళ్లి పీటలు ఎక్కేసి అరుంధతి నక్షత్రం కూడా చూసేశారు. ఇక దగ్గుబాటి వారి అబ్బాయి రానా తన ప్రేయసిని పరిచయం చేస్తూ.. పెళ్లికి ఆమె ఓకే చెప్పేసిందహో అంటూ ఇద్దరూ కలిసి ఉన్న పొటోను సోషల్ మీడియాలో వదిలారు. త్వరలో వీరి పెళ్లి బాజాలు మోగనున్నాయి. హైదరాబాద్‌కి చెందిన ప్రముఖ ఇంటీరియల్ డిజైనర్ మిహికా బజాజ్‌ను త్వరలో వివాహ మాడనున్నారు రానా. కాగా ఆయనకు శుభాకాంక్షల్ని తెలియజేస్తూ టాలీవుడ్, బాలీవుడ్ సెలబ్రిటీలు ట్వీట్లు చేస్తున్నారు. దీంతోఈ తరుణంలో రానా పెళ్లిపై స్పందిస్తూ ఆసక్తికరమైన పోస్ట్ చేశారు వివాదాస్పద నటి శ్రీరెడ్డి. రానా ఫ్యామిలీకి శ్రీరెడ్డికి పాత గొడవలు.. అవే రానా తమ్ముడు దగ్గుబాటి అభిరామ్‌లో రాసలీలలు సాగిస్తూ ఆ ఫొటోలను తన ఫేస్ బుక్‌లో పెట్టి దగ్గుబాటి ఫ్యామిలీ పరువును బజారుకి లాగిన శ్రీరెడ్డి.. సమయం వచ్చిన ప్రతిసారీ రానా, సురేష్ బాబు, వెంకటేష్‌లను వరసలు పెట్టి పిలుస్తూ వివాదాస్పద పోస్ట్‌లను షేర్ చేస్తుండేది.అయితే రానా పెళ్లి నేపథ్యంలో శ్రీరెడ్డి తనదైన శైలిలో విషెష్ అందించింది. కాబోయే పెళ్లి కొడుకు రానాకి విషెష్ అందిస్తూ.. ‘మీరు ఎంతవరకూ వెళ్లారో నాకు తెలుసు రానా గారూ.. ఆ అమ్మాయితో మీకు ప్రశాంతమైన జీవితం లభించేలా దేవుడు దీవిస్తాడు’ అంటూ ఫేస్ బుక్‌లో పోస్ట్ పెట్టింది శ్రీరెడ్డి.