నీ భర్తగా భావించు
చెన్నై, మే 14,
కామంతో కళ్లు మూసుకుపోయిన మృగాళ్లు కోరిక తీర్చమంటూ తమ సహోద్యోగినిని వేధింపులకు గురిచేసిన ఘటన వెలుగుచూసింది. అది కూడా పోలీస్ డిపార్ట్‌మెంట్‌లో కావడం కలవరపాటుకు గురిచేసింది. తమ కామవాంఛలు తీర్చాలంటూ ఓ మహిళా హోంగార్డును ఆమె సహోద్యోగులు వేధింపులకు గురిచేయడంతో ఆమె ఉన్నతాధికారులను ఆశ్రయించింది. ఈ దారుణ ఘటన కర్ణాటక రాజధాని బెంగళూరులో జరిగింది.నగరంలోని జయనగర్ పోలీస్ స్టేషన్‌లో వివాహిత మహిళ హోంగార్డుగా విధులు నిర్వర్తిస్తోంది. జయనగర్‌లోని ఉమెన్స్ యూనివర్సిటీ లేడీస్ హాస్టల్ వద్ద డ్యూటీ చేస్తోంది. ఆమెపై కన్నేసిన హోంగార్డులు నంజిగౌడ(30), సతీష్(28) గత కొద్దికాలంగా లైంగిక వేధింపులకు గురిచేస్తున్నారు. తమ కోరిక తీర్చాలంటూ మానసికంగా హింసిస్తున్నారు.నన్ను నీ భర్తగా భావించు.. నా కోరిక తీర్చు అంటూ నంజిగౌడ లేడీ హోంగార్డుని వేధిస్తున్నాడు. మరో హోంగార్డు సతీష్ అతనికి వంతపాడుతూ.. నంజిగౌడతో ఆ సంబంధం పెట్టుకుంటే నీ భవిష్యత్తు బాగుంటుందంటూ ప్రలోభాలకు గురిచేసే ప్రయత్నం చేశాడు. అంతటితో ఆగని ఇద్దరూ శ్రుతిమించారు. భర్తకు అబద్ధం చెప్పి తమ ఇద్దరితో ప్రైవేట్ ట్రిప్‌కి రమ్మంటూ వేధించడంతో భరించలేక ఆమె ఉన్నతాధికారులను ఆశ్రయించింది.అధికారుల సూచన మేరకు ఇద్దరిపై జయనగర్ పోలీస్ స్టేషన్‌లో హోంగార్డు ఫిర్యాదు చేసింది. బాధితురాలి ఫిర్యాదు మేరకు పోలీసులు నిందితులపై కేసు నమోదు చేశారు. ప్రధాన నిందితుడు నంజిగౌడను పోలీసులు అరెస్టు చేశారు. అయితే అతను బెయిల్‌పై విడుదలయ్యాడు. పోలీసులు కేసు నమోదు చేసి దర్యాప్తు చేస్తున్నారు.