YUV News Logo
YuvNews
Open in the YuvNews app
OPEN

ఫ్లాష్ న్యూస్

వార్తలు తెలంగాణ దేశీయం

టూ వీలర్ తో పూణె టూ గద్వాల

టూ వీలర్ తో పూణె టూ గద్వాల

టూ వీలర్ తో పూణె టూ గద్వాల
మహబూబ్ నగర్, మే 14
ఉపాధి కోసం పుణే వెళ్లిన ఓ జంట లాక్‌డౌన్ వేళ తమ ఏడు నెలల చిన్నారితో కలిసి బైక్ మీద 600 కి.మీ.కుపైగా దూరం ప్రయాణించి సొంతూరు చేరుకున్నారు. లాక్‌డౌన్ వేళ ఓ యువ జంట సాహసం చేసింది. ఏడు నెలల తమ చిన్నారితో కలిసి బైక్ మీద పుణే నుంచి 670 కి.మీ. దూరం ప్రయాణించి గద్వాల జిల్లాలోని తమ సొంతూరు చేరుకుంది. ఇంటికి రావాలనే తపన, తల్లిదండ్రులను చూడాలనే ఆరాటంతో.. ఎన్నిసార్లు ప్రయత్నం చేసినా లాక్‌డౌన్ కారణంగా రావడం కుదరకపోవడంతో.. చివరకు మొండిగా బైక్ మీద బయల్దేరి వచ్చారు. 600 కి.మీ.కుపైగా దూరాన్ని 12 గంటల్లో ప్రయాణించి నవాబుపేట మండలంలోని కొత్తపల్లి తండాలోని సొంతింటికి చేరుకున్నారు.వివరాల్లోకి వెళ్తే.. కొత్తపల్లి తండాకు చెందిన విశాల్, లీలాబాయి దంపతులు పుణెలో జీవనం సాగిస్తున్నారు. లాక్‌డౌన్‌ కారణంగా ఏడు నెలల పసికందు అక్కడే ఉండిపోయారు. లాక్‌డౌన్ పొడిగించే అవకాశాలే కనిపిస్తుండటంతో.. మంగళవారం రాత్రి 10 గంటల ప్రాంతంలో పూణె నుంచి బయల్దేరి బుధవారం ఉదయం 10 గంటలకు సొంతూరు చేరుకున్నారు.చిన్నారితోపాటు, దంపతులిద్దరూ ఆరోగ్యంగానే ఉన్నారని, 14 రోజులు హోం క్వారంటైన్‌లో ఉండాలని అధికారులు సూచించారు. అందరితో కలిసి వస్తే పాపకు ప్రమాదం అనే భావనతో బండి మీద బయల్దేరి వచ్చామని వారు తెలిపారు. దార్లో నాలుగో చోట్ల ఆగి కాసేపు విశ్రాంతి తీసుకున్నామని, పాపకు పాలు తాగించామన్నారు.

Related Posts