కేసీఆర్ ముందుకు ప్రైవేట్ వర్శిటీల ఫైల్
హైద్రాబాద్, మే 16,
రాష్ట్రంలో ప్రయివేట్ విశ్వవిద్యాలయాల ఏర్పాటుకు మార్గం సుగమం అవుతోంది. తెలంగాణలో క్యాంపస్‌లను ఏర్పాటు చేయడానికి 11 యూనివర్సిటీలు సంసిద్ధత వ్యక్తం చేయగా.. 8 విశ్వవిద్యాలయాలకు స్టేట్ హయ్యర్ ఎడ్యుకేషన్ డిపార్ట్‌మెంట్ (షెడ్) ఓకే చెప్పింది. క్యాంపస్‌‌ల ఏర్పాటుకు రాష్ట్ర ప్రభుత్వం అనుమతి మంజూరు చేయాల్సి ఉంది. టీఎస్ ప్రయివేట్ యూనివర్సిటీస్ యాక్ట్ - 2018 నిబంధనల ప్రకారం ప్రతిపాదనలను పంపిన యూనివర్సిటీలకు ఓకే చెప్పామని షెడ్ అధికారి ఒకరు తెలిపారు. ఇందుకు సంబంధించిన ఫైళ్లను సీఎం వద్దకు పంపామన్నారు.సీఎం గ్రీన్ సిగ్నల్ ఇస్తే.. యూనివర్సిటీల ఏర్పాటుకు అనుమతి కోసం యూజీసీ, ఇతర సంస్థలకు ఆయా ప్రయివేట్ సంస్థలు దరఖాస్తు చేసుకుంటాయని షెడ్ అధికారి తెలిపారు. టెక్ మహీంద్రా, వోక్స్‌సెన్, మల్లారెడ్డి గ్రూప్, శ్రీనిధి, అనురాగ్ గ్రూప్, లారా, నేషనల్ ఇన్‌స్టిట్యూట్ ఆఫ్ కన్‌స్ట్రక్షన్ మేనేజ్‌మెంట్ అండ్ రీసెర్చ్, గురునానక్ గ్రూప్, వరంగల్‌కు చెందిన ఎస్ఆర్ గ్రూప్‌లు యూనివర్సిటీల ఏర్పాటుకు అనుమతి పొందాయన్నారు.రాష్ట్రంలో యూనివర్సిటీల ఏర్పాటుకు ముందుకొచ్చిన సంస్థలు టెక్నాలజీ, సైన్స్, మేనేజ్‌మెంట్ రంగాల్లో బోధన పట్ల ఆసక్తితో ఉన్నాయన్నరు