కూతురుపై తండ్రి రేప్...సహకరించిన తల్లి
లక్నో, మే 16,
సభ్యసమాజం తలదించుకునే దారుణ సంఘటన వెలుగుచూసింది. కన్నబిడ్డలను కంటికి రెప్పలా కాపాడుకోవాల్సిన కన్నతండ్రే దారుణానికి ఒడిగట్టాడు. యుక్త వయస్సుకు వచ్చిన కూతురిపై కామంతో కన్నేశాడు. అదను చూసి తన గదిలోకి లాక్కెళ్లి అత్యాచారం చేశాడు. తల్లి కూడా భర్తకే వంతపాడింది. కూతురు కేకలు పెట్టకుండా జాగ్రత్తలు తీసుకుంది. కూతురి నోట్లో గుడ్డలు కుక్కి నోరు కట్టేసింది. కూతురిని మంచానికి కట్టేసి అమానుషంగా అత్యాచారం చేస్తుంటే మౌనంగా చూస్తూ నిల్చుండిపోయింది. బాలిక ఎలాగో తప్పించుకుని బంధువుల ఇంటికి పారిపోతే వెంటాడి తెచ్చి మరీ మరోమారు రేప్ చేశాడా కసాయి తండ్రి. పెళ్లయ్యాక నొప్పి తెలియకుండా ఉంటుందిలే అంటూ తండ్రి చెప్పిన నీచపు మాటలు కంపరమెత్తించాయి. చివరికి అక్క సాయంతో పోలీసులను ఆశ్రయించడంతో విషయం వెలుగులోకి వచ్చింది. అక్కడా కన్నవాళ్లు కూడబలుక్కుని కూతురిది కట్టుకథ అని కొట్టిపారేయడం గమనార్హం. అయితే ఒంటిపై పంటి గాయాలు చూసిన పోలీసులు తల్లిదండ్రులను అరెస్టు చేశారు. ఒళ్లు గగుర్పొడుస్తున్న ఈ దారుణ ఘటన మధ్యప్రదేశ్‌లో వెలుగుచూసింది.వయసుకొచ్చిన కూతురి(18)పై కామంతో రెచ్చిపోయాడో కసాయి తండ్రి. కన్నకూతురని కూడా చూడకుండా మంచానికి కట్టేసి మరీ రేప్ చేసిన దారుణ ఘటన మొరీనా జిల్లాలో వెలుగుచూసింది. లాక్‌డౌన్‌తో ఇంట్లోనే ఉంటున్న తండ్రి కూతురిపై కన్నేశాడు. వంట గదిలో ఉన్న కూతురిని తన గదికి లాక్కెళ్లి మంచంపై పడేసి రేప్ చేశాడు. అందుకు అతని భార్య, బాధితురాలి తల్లి సహకరించడం గమనార్హం. కూతురు కేకలు పెట్టకుండా నోట్లో గుడ్డలు కుక్కి నోరు మూయించింది. కామపిశాచిగా మారిన తండ్రి ఆమెను మంచానికి కట్టేసి అత్యంత దారుణంగా అత్యాచారం చేశాడు. ఈ విషయం పోలీసులకు చెబుతుందన్న భయంతో ఆమెను గదిలోనే బంధించారు.కొద్దిరోజుల తర్వాత ఎలాగో తప్పించుకున్న కూతురు.. తమ బంధువుల ఇంటికి వెళ్లింది. అది తెలుసుకున్న తండ్రి అక్కడికి వెళ్లి ఆమెను లాక్కొచ్చి మరోమారు రేప్ చేశాడు. కూతురిపై కన్నతండ్రి ఘాతుకానికి పాల్పడుతుంటే తల్లి కళ్లప్పగించి చూస్తూ నిలబడింది. అత్యాచారం అనంతరం పెళ్లయ్యాక నొప్పి తెలియకుండా ఉంటుందిలే అంటూ తండ్రి నీచపు మాటలు విని బాధితురాలు నిర్ఘాంతపోయింది. ఈ లాక్‌డౌన్ సమయంలోనే తండ్రి తనను రెండు సార్లు రేప్ చేశాడని బాధితురాలు పేర్కొంది. కన్నతండ్రి దాష్టీకాన్ని భరించలేకపోయిన కూతురు తన అక్క సాయంతో పోలీసులను ఆశ్రయించింది.బాధితురాలి అక్క 1098 పోలీస్ హెల్ప్‌లైన్ నంబర్‌కి ఫోన్ చేయడంతో విషయం వెలుగులోకి వచ్చింది. రంగంలోకి దిగిన పోలీసులు విచారణ ప్రారంభించారు. బాధితురాలి తల్లిదండ్రులు అదంతా అబద్ధమని కొట్టిపారేశారు. యువకుడితో ప్రేమ వ్యవహారం వద్దని చెప్పినందుకు తమపై ఆరోపణలు చేస్తోందన్నారు. అయితే బాలిక తన బుగ్గలపై ఉన్న పంటి గాయాలు, ఒంటిపై గాయాలు చూసి ఆమెను రక్షించి ఆస్పత్రికి తరలించారు. మేజిస్ట్రేట్ ఆమె స్టేట్‌మెంట్ రికార్డు చేసుకున్నారు. బాధితురాలి ఫిర్యాదు మేరకు ఆమె పేరెంట్స్‌ని అదుపులోకి తీసుకున్నట్లు పోలీసులు చెప్పారు. స్కూల్ డేస్ నుంచి లైంగికంగా వేధించేవాడని యువతి చెప్పడం గమనార్హం