భర్తను వదిలేసి ప్రియుడితో సహజీవనం
అనంతపురం, మే 16
ఆమెకు పెళ్లై ఒక బాబు కూడా ఉన్నాడు. అయినా ఫేస్‌బుక్ ఫ్రెండ్‌తో ప్రేమలో పడింది. భర్తని వదిలేసి వచ్చి మరీ ప్రియుడితో సహజీవనం చేసింది. తీరా తనను పెళ్లి చేసుకోమంటూ ఒత్తిడి చేయడంతో ప్రియుడి భార్య రంగంలోకి దిగింది. భర్తతో కలసి ప్రియురాలిని ఇంటి నుంచి బయటకు గెంటేయడంతో దిక్కుతోచని స్థితిలో ఆత్మహత్యాయత్నం చేసిన ఘటన అనంతపురం జిల్లాలో చోటుచేసుకుంది.పెళ్లి చేసుకోవడం కుదరదని చెప్పి సహజీవనం చేస్తున్న ప్రియుడు బయటకు గెంటేయడంతో వివాహిత ఆత్మహత్యాయత్నం చేసిన ఘటన ధర్మవరంలో జరిగింది. పట్టణంలోని శారదానగర్‌కి చెందిన అంజలి(23)కి గతంలో వివాహమైంది. ఆమెకి కొడుకు కూడా ఉన్నాడు. ఫేస్‌బుక్‌లో పురుషోత్తం అనే వ్యక్తితో పరిచయం ఏర్పడింది. ఇద్దరూ బాగా దగ్గరవడంతో ఆమె భర్తని వదిలేసి వచ్చి మరీ పురుషోత్తంతో సహజీవనం చేస్తోంది.కొద్దికాలంగా తనను పెళ్లి చేసుకోవాలని అంజలి ఫేస్‌బుక్ ప్రియుడిని కోరుతోంది. సడెన్‌గా ప్రియుడి ఇంటికెళ్లి పెళ్లి చేసుకోమంటూ ఒత్తిడి చేయడంతో అతని భార్య సీన్‌లోకి ఎంటరైంది. పెళ్లి చేసుకునేది లేదని తెగేసి చెప్పింది. భర్తతో కలసి ఆమెను ఇంటి నుంచి బయటికి గెంటేసింది. దీంతో మనస్థాపం చెందిన అంజలి చేయి కోసుకుని ఆత్మహత్యా యత్నం చేసింది. స్థానికులు గమనించి ఆమెను ఆస్పత్రికి తరలించారు. తనకు న్యాయం చేయాలంటూ ఆమె పోలీసులకు ఫిర్యాదు చేసింది.