టి.డి.పి పైలాన్ వద్ద మాజీ ఎమ్మెల్యే పల్లా శ్రీనివాసరావు మహానాడు కార్యక్రమం
విశాఖపట్నం మే 27 
జాతీయ రహదారికి ఆనుకునివున్న  టి.డి.పి పైలాన్ వద్ద మాజీ ఎమ్మెల్యే పల్లా శ్రీనివాసరావు బుధవారం మహానాడు కార్యక్రమం ప్రారంభించారు. ఈ సందర్భంగా ఆయన మాట్లాడుతూ కరోనా వైరస్ వ్యాప్తి వలన మహానాడు కార్యక్రమం జూమ్ యాప్ లో నిర్వహిస్తున్నామన్నారు . ఈ కార్యక్రమం లో రాష్ట్ర వ్యాప్తంగా సుమారు 14000 మంది టి.డి.పి కార్యకర్తలు , నాయకులు పాల్గొని వీక్షిస్తారని అన్నారు. ముఖ్యంగా తెలుగు దేశం పార్టీ చేపట్టిన అభివృద్ధి పనులనీ ,అభివృద్ధి చేయాల్సిన కార్యక్రమాల పై మహానాడు కార్యక్రమం ఉంటుందని అన్నారు. ఈ కార్యక్రమంలో 79,85,87,88 వార్డు టి.డి.పి నాయకులు రౌతు శ్రీనివాసరావు, బలిరెడ్డి నాగేశ్వరవు,ముత్యాలు,బులెట్ రాజు సీనియర్ టి.డి.పి నాయకులు కార్యకర్తలు తదితరులు పాల్గొన్నారు.