*॥ శ్రీహనుమత్తాండవస్తోత్రమ్ ॥*
ఓంశ్రీమాత్రే నమః
అద్వైత చైతన్య జాగృతి
1) వన్దే సిన్దూరవర్ణాభం లోహితామ్బరభూషితమ్ । రక్తాఙ్గరాగశోభాఢ్యం శోణాపుచ్ఛం కపీశ్వరమ్॥
భజే సమీరనన్దనం, సుభక్తచిత్తరఞ్జనం, దినేశరూపభక్షకం, సమస్తభక్తరక్షకమ్ । సుకణ్ఠకార్యసాధకం, విపక్షపక్షబాధకం, సముద్రపారగామినం, నమామి సిద్ధకామినమ్ ॥
2) సుశఙ్కితం సుకణ్ఠభుక్తవాన్ హి యో హితం వచస్త్వమాశు ధైర్య్యమాశ్రయాత్ర వో భయం కదాపి న । ఇతి ప్లవఙ్గనాథభాషితం నిశమ్య వానరాఽధినాథ ఆప శం తదా, స రామదూత ఆశ్రయః ॥
3) సుదీర్ఘబాహులోచనేన, పుచ్ఛగుచ్ఛశోభినా, భుజద్వయేన సోదరీం నిజాంసయుగ్మమాస్థితౌ । కృతౌ హి కోసలాధిపౌ, కపీశరాజసన్నిధౌ, విదహజేశలక్ష్మణౌ, స మే శివం కరోత్వరమ్ ॥
4) సుశబ్దశాస్త్రపారగం, విలోక్య రామచన్ద్రమాః, కపీశ నాథసేవకం, సమస్తనీతిమార్గగమ్ । ప్రశస్య లక్ష్మణం ప్రతి, ప్రలమ్బబాహుభూషితః కపీన్ద్రసఖ్యమాకరోత్, స్వకార్యసాధకః ప్రభుః 
5) ప్రచణ్డవేగధారిణం, నగేన్ద్రగర్వహారిణం, ఫణీశమాతృగర్వహృద్దృశాస్యవాసనాశకృత్ । విభీషణేన సఖ్యకృద్విదేహ జాతితాపహృత్, సుకణ్ఠకార్యసాధకం, నమామి యాతుధతకమ్ ॥
6) నమామి పుష్పమౌలినం, సువర్ణవర్ణధారిణం గదాయుధేన భూషితం, కిరీటకుణ్డలాన్వితమ్ । సుపుచ్ఛగుచ్ఛతుచ్ఛలంకదాహకం సునాయకం విపక్షపక్షరాక్షసేన్ద్ర-సర్వవంశనాశకమ్ ॥
7) రఘూత్తమస్య సేవకం నమామి లక్ష్మణప్రియం దినేశవంశభూషణస్య ముద్రీకాప్రదర్శకమ్ । విదేహజాతిశోకతాపహారిణమ్ ప్రహారిణమ్ సుసూక్ష్మరూపధారిణం నమామి దీర్ఘరూపిణమ్ ॥
8) నభస్వదాత్మజేన భాస్వతా త్వయా కృతా మహాసహా యతా యయా ద్వయోర్హితం హ్యభూత్స్వకృత్యతః । సుకణ్ఠ ఆప తారకాం రఘూత్తమో విదేహజాం నిపాత్య వాలినం ప్రభుస్తతో దశాననం ఖలమ్ ॥
9) ఇమం స్తవం కుజేఽహ్ని యః పఠేత్సుచేతసా నరః కపీశనాథసేవకో భునక్తిసర్వసమ్పదః । ప్లవఙ్గరాజసత్కృపాకతాక్షభాజనస్సదా న శత్రుతో భయం భవేత్కదాపి తస్య నుస్త్విహ ॥
10) నేత్రాఙ్గనన్దధరణీవత్సరేఽనఙ్గవాసరే । లోకేశ్వరాఖ్యభట్టేన హనుమత్తాణ్డవం కృతమ్ ॥
॥ ఇతి శ్రీ హనుమత్తాణ్డవ స్తోత్రమ్॥

వరకాల మురళి మోహన్ సౌజన్యంతో