తమిళనాడు లో సెక్స్ వర్కర్లు రూట్ మార్చారు
చెన్నై, మే 30, 
క్‌డౌన్‌తో చాలా మంది ఉపాధి కోల్పోయి రోడ్డునపడ్డారు. చేద్దామంటే పనిలేక.. తినేందుకు తిండిలేక దయనీయ స్థితిలో చిక్కుకుపోయారు. రోడ్లపై జనం తిరిగేందుకే భయపడిపోతుండడంతో సెక్స్ వర్కర్ల పరిస్థితి మరీ దారుణంగా తయారైంది. కస్టమర్లను కలిసే అవకాశం లేకపోవడంతో పూటగడవక పస్తులుండాల్సిన పరిస్థితులు దాపురించాయి. ఇక ఏం చేయాలో దిక్కుతోచని పరిస్థితుల్లో ఉపాధి కోసం తమిళనాడు సెక్స్ వర్కర్లు రూటుమార్చారు.పడక సుఖం కోరుకునే వారి కోసం వీడియో కాల్స్‌ చేస్తూ పొట్టనింపుకుంటున్నారు. వీడియో కాల్స్‌లో కస్టమర్లతో సెక్స్ చాట్ చేస్తూ డబ్బులు సంపాదిస్తున్నారు. గతంతో పోలిస్తే సంపాదన తక్కువైనా అసలేమీ లేకుండా పస్తులుండే కంటే వచ్చినదానితో సర్దుకోవడమేనంటూ సరిపెట్టుకుంటున్నారు. ఈ కష్ట కాలంలో వచ్చిన కొద్దిపాటి డబ్బుతోనే పిల్లలను పోషించుకుంటూ కాలం వెళ్లదీస్తున్నారు.సునీత (35)(పేరు మార్చాం) అనే సెక్స్ వర్కర్ మాట్లాడుతూ ‘రెండు నెలల నుంచి పని లేక ఇబ్బంది పడుతున్నాం. అసలు లేకుండా ఉండేకంటే ఎంతోకొంత సంపాదన వస్తుందని వీడియో కాల్స్ చేస్తున్నా. రాత్రివేళ పిల్లలు పడుకున్నాక మేకప్ వేసుకుని టెర్రస్ పైకి వెళ్తా. కస్టమర్లకు వీడియో కాల్స్ చేస్తా. వాళ్లు గూగుల్ పేలో డబ్బులు పంపిస్తారు’ అని చెప్పారు.అయితే స్మార్ట్‌ఫోన్, వీడియోకాల్స్ చేయడంలో ట్రాన్స్‌జెండర్లు మిగిలిన సెక్స్ వర్కర్ల కంటే ముందున్నారు. కస్టమర్లకు వీడియోకాల్స్ చేసే వారిలో సుమారు 90 శాతం మంది ట్రాన్స్‌జెండర్లే ఉన్నట్లు అంచనా. మహిళా సెక్స్ వర్కర్లు ఈ విషయంలో కొంచెం వెనుకబడి ఉన్నట్లు తెలుస్తోంది. అయితే ఇందులో రిస్క్ కూడా ఎక్కువగానే ఉందని స్వచ్ఛంద కార్యకర్త తెలిపారు. వీడియో కాల్స్ రికార్డ్ చేసే అవకాశాలు కూడా ఉంటాయని.. కానీ తప్పనిసరి పరిస్ధితుల్లో ఈ మార్గాన్ని ఎంచుకుంటున్నట్లు ఆమె చెప్పారు.