కాకినాడలో సూపర్ స్ప్రెడర్
150 మందికి అంటించేశాడు
కాకినాడ, జూన్ 3,
ఏపీలో కరోనా పంజా విసురుతోంది. కొద్దిరోజులుగా పరిస్థితి మారిపోయింది.. పాజిటివ్ కేసుల సంఖ్య భారీగా పెరుగుతోంది. రాష్ట్రవ్యాప్తంగా తాజాగా నమోదవుతున్న కేసులు ఆందోళన కలిగిస్తున్నాయి. తూర్పుగోదావరి జిల్లాలో సూపర్‌ స్ప్రెడర్ల కలకలం రేపుతుంది. పెదపూడి మండలం గొల్లల మామిడాడతో పాటూ చుట్టు పక్కల వైరస్ పంజా విసురుతోంది. జి.మామిడాడలో తొలి పాజిటివ్‌ కేసు కాకినాడ జీజీహెచ్‌లో ఈనెల 21న చనిపోవడంతో అలజడి మొదలైంది. అలా మొదలైన వ్యాప్తి చుట్టు పక్కల మండలాలకు విస్తరించింది. జిల్లాలో మొత్తం 303 కేసులు ఉంటే.. ఒక్కరితో ఇప్పటివరకు 150కిపైగా కేసులు నమోదయ్యాయట.ఆ ఒక్కరి వల్ల జిల్లాలో ఇప్పటివరకు 157 కేసులు నమోదయ్యాయట. ఆ గ్రామంలోనే ఈ సూపర్‌ స్ప్రెడర్‌ దెబ్బకు 117 మంది వైరస్‌ తేలింది. జిల్లా కలెక్టర్‌తో పాటూ అధికారులు అప్రమత్తమయ్యారు.. కంట్రోల్‌ రూమ్‌ ఏర్పాటుచేసి ఆ ప్రాంతంలో ముందస్తు జాగ్రత్తలు తీసుకుంటున్నారు. ఇక్కడ శాంపిల్స్ సేకరించడం.. పరీక్షలు నిర్వహిస్తున్నారు. కేసుల సంఖ్య పెరగడంతో ప్రజల్లో భయాందోళనలు మొదలయ్యాయి. అధికారులు, పోలీసులు ముందస్తు జాగ్రత్తలు తీసుకుంటున్నారు. స్థానికులు ఎవరూ భయపడాల్సిన పని లేదంటున్నారు. అలాగే పొరుగు రాష్ట్రాల నుంచి వస్తున్న వలస కూలీల్లో వైరస్‌ బయటపడుతోంది. దీంతో జిల్లాకు వచ్చేవారందరికీ పరీక్షలు చేస్తున్నారు.రాష్ట్రంలో ఒక వ్యక్తి ద్వారా ఎక్కువ మందికి వైరస్‌ వ్యాపించడం ఇదే మొదటిసారి. కర్నూలు జిల్లాలో ఒకరి వల్ల 32 మందికి.. కృష్ణా జిల్లాలో ఒకరి నుంచి 18 మందికి, గుంటూరులో ఒక వ్యక్తి ద్వారా 17 మందికి.. ఇక్కడే ఒక్కొక్కరు 15 మందికి చొప్పున వైరస్ సోకిందట. ఇప్పుడు తూర్పు గోదావరి జిల్లాలో నమోదైన కేసుల తీవ్రతను చూస్తే పాజిటివ్‌ కేసుల సంఖ్య వీటన్నింటికీ మించిపోయింది. ఒక పాజిటివ్‌ వ్యక్తి నుంచి అయిదు మండలాల్లోని 80 మందికి వైరస్‌ వచ్చింది