కేసీఆర్ కాన్వాయ్ కు పెనాల్టీలు
హైద్రాబాద్, జూన్ 3,
ఎం కేసీఆర్ కాన్వాయ్‌పై తెలంగాణ పోలీసులు ఫైన్ విధించారు. ట్రాఫిక్ రూల్స్‌కు సీఎం కాన్వాయ్ కూడా అతీతం కాదని.. ముఖ్యమంత్రి వాహనాలకు కూడా నిబంధనలు వర్తిస్తాయని పోలీసులు ప్రూవ్ చేశారు. సీఎం కాన్వాయ్‌పై ఓవర్ స్పీడ్‌కు సంబంధించి మొత్తం నాలుగు ఫైన్లు విధించారు. హైదరాబాద్‌లో రెండు, సైబరాబాద్‌లో ఒకటి, సూర్యాపేట జిల్లాలో మరో ఫైన్ విధించారు. గతేడాది అక్టోబర్ 16న కోదాడ సమీపంలోని శ్రీరంగాపురంలో తొలిసారి ఫైన్ విధించగా.. ఈ ఏడాది ఏప్రిల్ 15న మాదాపూర్ పరిధిలో రెండోది.. ఏప్రిల్ 29న టోలిచౌకి పరిధిలో మూడోది, జూన్ 1న ట్యాంక్‌బండ్ పరిధిలో నాలుగో ఫైన్ విధించారు.జూన్ 1న విధించిన జరిమానాతో ఫెనాల్టీ మొత్తం రూ. 4,140కు చేరింది. సీఎం కాన్వాయ్‌కు ఫైన్ పడిన విషయం మీడియాలో రావడంతో సీఎం కార్యాలయం వెంటనే స్పందించిది. జరిమానా మొత్తాన్ని చెల్లించింది. దీంతో ఈ-చలానాలో పెండింగ్ చలానాలేవీ లేవని సూచిస్తోంది.