హోటల్స్, బేకరీల పై కార్పొరేషన్ అధికారుల దాడి
25 వేల రూపాయల జరిమానా
నెల్లూరు జూన్ 6 
నెల్లూరు నగరంలోని ప్రముఖ హోటల్స్, బేకరీ లపై కార్పొరేషన్ అధికారులు దాడి చేసి, హోటల్స్ లను సీజ్ చేయడంతోపాటు , 25 వేల జరిమానా కూడా విధించారు. కార్పొరేషన్ హెల్త్ ఆఫీసర్ వెంకటరమణ ఆధ్వర్యంలో నగరంలోని బాలాజీ నగర్ తదితర ప్రాంతాలలో రెండు ఓట్లను సీజ్ చేశారు. స్థానిక పూలే బొమ్మ వద్ద ఉన్న అలేఖ్య బేకరీ పై ఆకస్మిక దాడులు నిర్వహించి , 25 వేల జరిమానా విధించారు. ఈ సందర్భంగా ఆయన మాట్లాడుతూ ప్రజల ఆరోగ్యాలతో ఆటలాడితే చూస్తూ ఊరుకునేది లేదని హెచ్చరించారు. నాణ్యత ప్రమాణాలతో కూడిన ఆహార పదార్థాలను మాత్రమే ప్రజలకు అందించాలని సూచించారు. ఆరోగ్యం ఆహారం విషయంలో లో లో ఎటువంటి లాలూచీ ల కు అవకాశమే లేదని , హోటల్ యాజమాన్యాలు, బేకరీ యాజమాన్యాలు ఎంతటి పలుకుబడిగల వారినైనా వదిలిపెట్టేది లేదని హెచ్చరికలు జారీ చేశారు. ఈ కార్యక్రమంలో కార్పొరేషన్ కార్యాలయ శానిటరీ ఇన్స్పెక్టర్ ప్రతాప్ రెడ్డి. నరసింహారావు తదితరులు పాల్గొన్నారు.