.jpg)
హైద్రాబాద్ మర్డర్స్ వెనుక వివాహేతర సంబంధమే
హైద్రాబాద్, జూన్ 6,
ఒకే రోజు నాలుగు హత్యలు జరగడంతో భాగ్యనగర వాసులు వణికిపోయారు. శుక్రవారం రాత్రి లంగర్‌హౌస్‌లోని ఎండి లైన్స్‌లో ఇద్దర్ని హతమార్చగా.. గోల్కొండ ప్రాంతంలో రాహుల్ అనే యువకుడిని అతడి మిత్రుడు అజార్ హత్య చేశాడు. రెయిన్ బజార్‌లో ఇమ్రాన్ అనే యువకుడిని అతడి బంధువులే హత్య చేశారు. లంగర్‌హౌస్ డబుల్ మర్డర్ మిస్టరీని వెస్ట్ జోన్ టాస్క్ ఫోర్స్ పోలీసులు గంటల వ్యవధిలోనే చేధించారు. బైక్‌ మీద వెళ్తున్న మహ్మద్ చాంద్, అతడి స్నేహితుడు ఫయాజుద్దీన్‌ను దుండగులు ముందుగా కారుతో ఢీకొట్టారు.వారు కింద పడిపోగానే.. తల్వార్‌లతో నరికి చంపారు. వివాహేతర సంబంధం కారణంగానే ఈ హత్యలు జరిగాయని పోలీసులు ప్రాథమికంగా గుర్తించారు. అర్షద్, మహ్మద్ చాంద్ ఇద్దరూ రౌడీ షీటర్లు కాగా.. చాంద్ చెల్లెలితో అర్షద్‌కు వివాహేతర సంబంధం ఉంది. చాంద్ నుంచి తనకు ప్రాణ హాని ఉందని భావించిన అర్షద్.. చాంద్‌తోపాటు అతడి స్నేహితుడు ఫయాజుద్దీన్‌ను క్వాలిస్ వాహనంతో ఢీకొట్టి హత్య చేశారు. ఈ కేసులో అర్షద్‌‌తోపాటు ఐదుగురు నిందితుల్ని పోలీసులు అరెస్ట్ చేశారు. మరో నిందితుడు ముంబై వైపు పరారయ్యాడని తెలుస్తోంది. అతడి కోసం పోలీసులు గాలిస్తున్నారుః