ధ్యానమ్
ఈశానాం జగతో‌உస్య వేఙ్కటపతే ర్విష్ణోః పరాం ప్రేయసీం
తద్వక్షఃస్థల నిత్యవాసరసికాం తత్-క్షాన్తి సంవర్ధినీమ్ |
పద్మాలఙ్కృత పాణిపల్లవయుగాం పద్మాసనస్థాం శ్రియం
వాత్సల్యాది గుణోజ్జ్వలాం భగవతీం వన్దే జగన్మాతరమ్ ||
శ్రీమన్ కృపాజలనిధే కృతసర్వలోక
సర్వఙ్ఞ శక్త నతవత్సల సర్వశేషిన్ |
స్వామిన్ సుశీల సుల భాశ్రిత పారిజాత
శ్రీవేఙ్కటేశచరణౌ శరణం ప్రపద్యే || ౨ ||
ఆనూపురార్చిత సుజాత సుగన్ధి పుష్ప
సౌరభ్య సౌరభకరౌ సమసన్నివేశౌ |
సౌమ్యౌ సదానుభనే‌உపి నవానుభావ్యౌ
శ్రీవేఙ్కటేశ చరణౌ శరణం ప్రపద్యే || ౩ ||
సద్యోవికాసి సముదిత్త్వర సాన్ద్రరాగ
సౌరభ్యనిర్భర సరోరుహ సామ్యవార్తామ్ |
సమ్యక్షు సాహసపదేషు విలేఖయన్తౌ
శ్రీవేఙ్కటేశ చరణౌ శరణం ప్రపద్యే || ౪ ||
రేఖామయ ధ్వజ సుధాకలశాతపత్ర
వజ్రాఙ్కుశామ్బురుహ కల్పక శఙ్ఖచక్రైః |
భవ్యైరలఙ్కృతతలౌ పరతత్త్వ చిహ్నైః
శ్రీవేఙ్కటేశ చరణౌ శరణం ప్రపద్యే || ౫ ||
తామ్రోదరద్యుతి పరాజిత పద్మరాగౌ
బాహ్యైర్-మహోభి రభిభూత మహేన్ద్రనీలౌ |
ఉద్య న్నఖాంశుభి రుదస్త శశాఙ్క భాసౌ
శ్రీవేఙ్కటేశ చరణౌ శరణం ప్రపద్యే || ౬ ||
స ప్రేమభీతి కమలాకర పల్లవాభ్యాం
సంవాహనే‌உపి సపది క్లమ మాధధానౌ |
కాన్తా నవాఙ్మానస గోచర సౌకుమార్యౌ
శ్రీవేఙ్కటేశ చరణౌ శరణం ప్రపద్యే || ౭ ||
లక్ష్మీ మహీ తదనురూప నిజానుభావ
నీకాది దివ్య మహిషీ కరపల్లవానామ్ |
ఆరుణ్య సఙ్క్రమణతః కిల సాన్ద్రరాగౌ
శ్రీవేఙ్కటేశ చరణౌ శరణం ప్రపద్యే || ౮ ||
నిత్యానమద్విధి శివాది కిరీటకోటి
ప్రత్యుప్త దీప్త నవరత్నమహః ప్రరోహైః |
నీరాజనావిధి ముదార ముపాదధానౌ
శ్రీవేఙ్కటేశ చరణౌ శరణం ప్రపద్యే || ౯ ||
“విష్ణోః పదే పరమ” ఇత్యుదిత ప్రశంసౌ
యౌ “మధ్వ ఉత్స” ఇతి భోగ్య తయా‌உప్యుపాత్తౌ |
భూయస్తథేతి తవ పాణితల ప్రదిష్టౌ
శ్రీవేఙ్కటేశ చరణౌ శరణం ప్రపద్యే || ౧౦ ||
పార్థాయ తత్-సదృశ సారధినా త్వయైవ
యౌ దర్శితౌ స్వచరణౌ శరణం వ్రజేతి |
భూయో‌உపి మహ్య మిహ తౌ కరదర్శితౌ తే
శ్రీవేఙ్కటేశ చరణౌ శరణం ప్రపద్యే || ౧౧ ||
మన్మూర్థ్ని కాళియఫనే వికటాటవీషు
శ్రీవేఙ్కటాద్రి శిఖరే శిరసి శ్రుతీనామ్ |
చిత్తే‌உప్యనన్య మనసాం సమమాహితౌ తే
శ్రీవేఙ్కటేశ చరణౌ శరణం ప్రపద్యే || ౧౨ ||
అమ్లాన హృష్య దవనీతల కీర్ణపుష్పౌ
శ్రీవేఙ్కటాద్రి శిఖరాభరణాయ-మానౌ |
ఆనన్దితాఖిల మనో నయనౌ తవై తౌ
శ్రీవేఙ్కటేశ చరణౌ శరణం ప్రపద్యే || ౧౩ ||
ప్రాయః ప్రపన్న జనతా ప్రథమావగాహ్యౌ
మాతుః స్తనావివ శిశో రమృతాయమాణౌ |
ప్రాప్తౌ పరస్పర తులా మతులాన్తరౌ తే
శ్రీవేఙ్కటేశ చరణౌ శరణం ప్రపద్యే || ౧౪ ||
సత్త్వోత్తరైః సతత సేవ్యపదామ్బుజేన
సంసార తారక దయార్ద్ర దృగఞ్చలేన |
సౌమ్యోపయన్తృ మునినా మమ దర్శితౌ తే
శ్రీవేఙ్కటేశ చరణౌ శరణం ప్రపద్యే || ౧౫ ||
శ్రీశ శ్రియా ఘటికయా త్వదుపాయ భావే
ప్రాప్యేత్వయి స్వయముపేయ తయా స్ఫురన్త్యా |
నిత్యాశ్రితాయ నిరవద్య గుణాయ తుభ్యం
స్యాం కిఙ్కరో వృషగిరీశ న జాతు మహ్యమ్ || ౧౬ ||
ఇతి శ్రీవేఙ్కటేశ ప్రపత్తిః

వరకాల మురళి మోహన్ సౌజన్యంతో