భోపాల్ సెక్స్ రాకెట్...
భోపాల్, జూన్ 8, 
మధ్యప్రదేశ్‌ రాజధాని భోపాల్‌లో గుట్టుగా సాగుతున్న సెక్స్‌ రాకెట్‌ను పోలీసులు చేధించారు. పోస్ట్ ఛత్రసల్ ఫేజ్-2 కాలనీలోని ఓ డ్యూప్లెక్స్ అపార్ట్‌మెంట్‌లో కొనసాగుతున్న వ్యభిచార కేంద్రాన్ని పోలీసులు చేధించారు. నిర్వాహకురాలితో పాటు ఐదుగురు సెక్స్‌వర్కర్లు, ఇద్దరు విటులను అరెస్ట్ చేశారు. పోలీసులను చూసిన మరో విటుడు అక్కడి నుంచి తప్పించుకున్నాడు. ఇక్కడ ఆరు నెలలుగా సెక్స్ రాకెట్ నడుపుతున్నట్లు నిర్వాహకురాలు పోలీసుల విచారణలో అంగీకరించింది. సోషల్‌మీడియా ద్వారా కస్టమర్లను ఆకర్షిస్తూ వ్యభిచారం నిర్వహిస్తున్నట్లు వెల్లడించింది.ఈ సెక్స్ రాకెట్‌ జాతీయ, అంతర్జాతీయ సంబంధాలున్నట్లు పోలీసులు చెబుతున్నారు. ఇతర రాష్ట్రాలతో పాటు విదేశీ యువతులను కూడా తీసుకొచ్చి వ్యభిచారం చేయిస్తున్నట్లు తేలింది. విటుల కోసం క్యాబ్ సౌకర్యం కూడా అందుబాటులో ఉంది. ఛత్రసల్ నగర్ ఫేజ్-2 కాలనీలో కొన్నాళ్లుగా వ్యభిచారం నిర్వహిస్తున్నట్లు పోలీసులకు సమాచారం అందింది. దీంతో పోలీసులు ఓ ఇన్‌ఫార్మర్‌ను నియమించి అక్కడ వ్యభిచారం జరుగుతున్నట్లు నిర్ధారించుకున్నారు. దీంతో ఓ కానిస్టేబుల్‌ను సివిల్ డ్రెస్‌లో లోపలికి పంపించారు. అతడు కస్టమర్‌లా నటించి అమ్మాయిని బుక్ చేసుకుని గదిలోకి తీసుకెళ్లాడు. అక్కడి నుంచి పోలీసులకు సమాచారం ఇవ్వడంతో వెంటనే రైడ్ చేశారు. ఈ ముఠాకు హనీట్రాప్ రాకెట్లతో సంబంధమున్నట్లు పోలీసులు అనుమానిస్తున్నారు.