సల్మాన్ పై జియా ఖాన్ తల్లి ఆరోపణలు
మంబాయి జూన్18 
హీరోయిన్ జియా ఖాన్ తల్లి రబియా అమిన్.. స్టార్ హీరో సల్మాన్ ఖాన్పై సంచలన ఆరోపణలు చేయడం పలు చర్చలకు తెరలేపింది. తన కూతురి ఆత్మహత్య కేసు వీగిపోయేలా చేసి సల్మాన్ అన్యాయం చేశారని రబియా ఆవేదన చెందింది.బాలీవుడ్లో వరుస చోటుచేసుకుంటున్న వరుస మరణాలు ఇండస్ట్రీ వర్గాలను కలవరపెడుతున్నాయి. అక్కడ నెపోటిజం ఎక్కువగా ఉందని, ఆ కారణంగా ఎంతోమంది యువ సినీ తారల భవిష్యత్ నాశనం అవుతుందనే ఆరోపణలు వెల్లువెత్తుతున్నాయి. ఈ క్రమంలోనే ఇటీవలే యువనటుడు సుశాంత్ సింగ్ రాజ్పుత్ ఆత్మహత్య చేసుకోవడం పెను సంచలనంగా మారింది. అయితే తాజాగా ఆయన మృతికి నివాళులర్పించిన దివంగత నటి జియా ఖాన్ తల్లి రబియా అమిన్.. స్టార్ హీరో సల్మాన్ ఖాన్పై సంచలన ఆరోపణలు చేయడం పలు చర్చలకు తెరలేపింది. 2015లో హీరోయిన్ జియాఖాన్ అనుమానాస్పద రీతిలో మరణించిన సంగతి తెలిసిందే. సుశాంత్ వలె ఆమె కూడా ఆత్మహత్య చేసుకుంది. దీనిపై అప్పట్లో కేసు నమోదు చేసిన పోలీసులు.. ఈ కేసులో బాలీవుడ్ సీనియర్ నటుడు, నిర్మాత ఆదిత్య పంచోలి కుమారుడు సూరజ్ పంచోలిని విచారించారు. ఆయనపై కేసు నమోదు చేసి దర్యాప్తు ముమ్మరం చేశారు. అయితే ఆ కేసు వీగిపోయేలా సల్మాన్ ఖాన్ తన డబ్బు, పరపతి ఉపయోగించారని పేర్కొంటూ సంచలన ఆరోపణలు చేసింది జియాఖాన్ తల్లి రబియా అమిన్. ఈ విషయాన్ని సీబీఐకి చెందిన ఓ అధికారి తనకు చెప్పారని రబియా అమిన్ తెలిపింది. సూరజ్ పంచోలిని ఇబ్బంది పెట్టొద్దని, అతని మీద చాలా పెట్టుబడి పెట్టానని చెబుతూ సల్మాన్ ఖాన్ ప్రతిరోజు సీబీఐ అధికారికి ఫోన్ చేసే వాడని, సదరు అధికారి స్వయంగా తనతో ఈ విషయం చెప్పారని పేర్కొంటూ ఆవేదన చెందింది రబియా అమిన్. బాలీవుడ్లో జరుగుతున్న ఇలాంటి దారుణాలను ఇకనైనా ఆపేయాలని ఆమె కోరింది. రబియా చేసిన ఈ కామెంట్స్ ప్రస్తుతం బాలీవుడ్ వర్గాల్లో చర్చనీయాంశం అయ్యాయి.