క్షణాల్లో పాన్ కార్డు
ముంబై, జూన్ 19
పాన్ కార్డు కోసం అప్లై చేసుకోవాలని భావిస్తున్నారా? అయితే క్షణాల్లోనే పాన్ కార్డు పొందొచ్చు. దీని కోసం ఏ డాక్యుమెంట్లు అవసరం లేదు. కేవలం ఆధార్ కార్డు ఉంటే సరిపోతుంది. పైగా ఉచితంగానే పాన్ కార్డు పొందొచ్చు.పాన్ కార్డు గురించి ప్రత్యేకంగా చెప్పాల్సిన అవసరం లేదు. కీలకమైన డాక్యుమెంట్లలో ఇది కూడా ఒకటి. ఆదాయపు పన్ను శాఖ పాన్ కార్డును జారీ చేస్తుంది. ఇప్పుడు కేవలం 10 నిమిషాల్లోనే పాన్ కార్డు పొందొచ్చు. దీనికి సంబంధించిక కేంద్ర ప్రభుత్వం ఇటీవలనే కొత్త సర్వీసులు లాంచ్ చేసింది. అయితే ఇలా క్షణాల్లో పాన్ కార్డు కావాలని భావిస్తే మాత్రం ఆధార్ కార్డు కచ్చితంగా కావాలి. దీని కోసం ఇన్‌కమ్ ట్యాక్స్ డిపార్ట్‌మెంట్ వెబ్‌సైట్‌కు వెళ్లాలి. అక్కడ ఇన్‌స్టంట్ పాన్ త్రూ ఆధార్ అనే ఆప్షన్ ఉంటుంది. దీనిపై క్లిక్ చేసిన గెట్ న్యూ ఆధార్ ఆప్షన్ ఎంచుకోవాలి. తర్వాత ఆధార్ నెంబర్, ఓటీపీ వంటి వివరాలు ఎంటర్ చేసి క్షణాల్లోనే పాన్ నెంబర్ పొందొచ్చు.పాన్ కార్డు ఉచితంగానే లభిస్తోంది. దీనికి ఎలాంటి చార్జీలు చెల్లించాల్సిన పని లేదు. పీడీఎఫ్ ఫార్మాట్‌లో పాన్ కార్డును సేవ్ చేసుకోవచ్చు. దీన్ని జిరాక్స్ తీసుకొని అవసరమైన చోటు ఇవ్వొచ్చు. ఒకవేళ పాన్ కార్డు కావాలని భావిస్తే.. దీనికి రూ.50 చెల్లించాల్సి ఉంటుంది. మీ ఇంటికి పాన్ కార్డు వచ్చేస్తుంది. అయితే ఇలా క్షణాల్లో పాన్ కార్డు పొందటం అందరికీ సాధ్యం కాకపోవచ్చు. ఇన్‌వాలీడ్ ఆధార్ కార్డు కలిగిన వారికి పాన్ కార్డు ఇన్‌స్టంట్ సేవలు అందుబాటులో ఉండవు. వాలిడ్ ఆధార్ కార్డు కావాల్సిందే. అలాగే ఆధార్ కార్డుతో మొబైల్ లింక్ అయ్యి ఉండాలి. లేదంటే పాన్ కార్డు పొందలేం. ఇంకా ఆధార్ కార్డులో కొత్త ఫార్మాట్‌లోని పుట్టిన తేదీ ఉండాలి. ఇంకా 18 ఏళ్లు పైన వయసు ఉన్న వారికే ఈ సేవలు అందుబాటులో ఉంటాయి.