దర్శకులు రామ్ గోపాల్ వర్మ, పూరీ జగన్నాథ్‌ల మధ్య ఉన్న అనుబంధం గురించి అందరికీ తెలిసిందే. వర్మ దగ్గర శిష్యరికం చేసిన పూరీ.. ఇప్పటికీ తాను చేసిన సినిమాలను మొదట వర్మకు చూపిస్తుంటారు. ఈ నేపథ్యంలో తాజాగా తన కుమారుడు ఆకాశ్ పూరీ హీరోగా తెరకెక్కిస్తున్న 'మెహబూబా' చిత్రంలోని కొన్ని సన్నివేశాలను వర్మకు చూపించారు. వాటిని చూసిన వర్మ తనదైన కామెంట్లను పెట్టారు. "'మెహబూబా'లోని కొన్ని సన్నివేశాలను చూశాను. ఈ సినిమాతో పోలిస్తే 'పోకిరి' ఫ్లాప్‌. తన కుమారుడి మీద ఉన్న ప్రేమతో పూరీ ఈ చిత్రాన్ని ప్రత్యేకంగా తీశాడు" అంటూ ప్రశంసలు కురిపించాడు. మరోవైపు దీనిపై స్పందించిన పూరీ జగన్నాథ్.. "మా బాస్ మొదటిసారి నన్ను చిత్ర దర్శకుడిగా గుర్తించాడు. నా జీవితంలో ఇదే పెద్ద ప్రశంస. లవ్ యు సర్" అంటూ కామెంట్ పెట్టాడు