. 22న దోస్త్ నోటిఫికేషన్
హైద్రాబాద్, జూన్ 21
డిగ్రీ కాలేజీల్లో ఆన్‌లైన్‌ ప్రవేశాల కోసం నిర్ణయించిన టీఎస్‌ దోస్త్ 2020 నోటిఫికేషన్‌ 22 లేదా 23న విడుదల కానున్నట్లు సమాచారం.రాష్ట్రంలో ఇంటర్ పూర్తి చేసుకుని డిగ్రీ కళాశాలల్లో ప్రవేశం పొందాలనుకునే విద్యార్ధుల కోసం ఈ నెల 22 లేదా 23 షెడ్యూల్‌ విడుదల కానున్నట్లు సమాచారం. ఈ మేరకు డిగ్రీ ఆన్‌లైన్‌ సర్వీసెస్‌ తెలంగాణ (దోస్త్‌-2020) అధికారులు ఏర్పాట్లు చేస్తున్నారు.ఇంటర్మీడియట్‌ సెకండియర్‌ ఫలితాలు ఇటీవల విడుదలైన నేపథ్యంలో అందుకు అనుగుణంగా షెడ్యూల్‌ రూపొందించే పనిలో అధికారులు నిమగ్నమై ఉన్నారు. 2020-21 విద్యాసంవత్సరానికి జూలై, ఆగస్టులో దశల వారీగా అడ్మిషన్ల ప్రక్రియ పూర్తి చేయాలని భావిస్తున్నారు.ఈ ప్రక్రియను ఆగస్టు 24 వరకు పూర్తి చేసేలా ప్రణాళిక ఉండబోతోంది. యూజీసీ మార్గదర్శకాలను అనుసరించి మొదటి సంవత్సరం తరగతులను సెప్టెంబర్‌ ఒకటి నుంచి, ద్వితీయ, తృతీయ సంవత్సరం తరగతులను ఆగస్టు ఒకటి నుంచి ప్రారంభించాల్సి ఉంది. ఈ మేరకు షెడ్యూల్‌ ప్రక్రియను పూర్తి చేయాలని అధికారులు నిర్ణయించారుకరోనా నిబంధనలు పాటిస్తూనే డిగ్రీ కాలేజీల్లో ప్రవేశాల ప్రక్రియ చేపట్టనున్నారు. ఆన్‌లైన్‌ ద్వారా అడ్మిషన్ల నిర్వహణకు సీజీజీ సహకారం అందిస్తున్నది. విద్యార్థులకు ఎప్పటికప్పుడు సమాచారం అందించడం కోసం వాట్సాప్‌, ట్విట్టర్‌, ఫేస్‌బుక్‌ వంటి సోషల్ మీడియాను ఉపయోగించనున్నారు. ఇక కాలేజీలను ఎప్పుడు తెరుస్తారన్న విషయంపై ప్రభుత్వం త్వరలో స్పష్టత ఇవ్వనున్నది.