జూలైలొ ఇంటర్ సప్లిమెంటరీ
హైద్రాబాద్, జూన్ 21
లంగాణలో ఇంటర్ అడ్వాన్స్ డ్ సప్లిమెంటరీ పరీక్షలను జూలైలో నిర్వహించేలా ఇంటర్మీడియట్ బోర్డు ఏర్పాట్లు చేస్తోంది. ఈ పరీక్షల షెడ్యూల్‌ను త్వరలోనే విడుదల చేయనున్నట్లు విద్యాశాఖ మంత్రి సబితా ఇంద్రారెడ్డి వెల్లడించారు. అలాగే ఈనెల 22వ తేదీ నాటికి కాలేజీలకు మెమోలను పంపిస్తామని తెలిపారు.ప్రిన్సిపాళ్లు సంబంధిత డీఐఈవోల నుంచి మెమోలను తీసుకొని వెళ్లి విద్యార్థులకు వీలైనంత త్వరగా అందజేయాలని వెల్లడించారు. మెమోల్లో ఏమైనా పొరపాట్లు, తప్పులుంటే విద్యార్థులు సంబంధిత ప్రిన్సిపాళ్లకు వచ్చే జులై 17లోగా తెలియజేసి సరిచేసుకోవాలని సూచించారు. ఫిర్యాదులు ఏమైనా ఉంటే విద్యార్థులు ఆన్‌లైన్ ద్వారా  ఫిర్యాదు చేయొచ్చని తెలిపారు.విద్యార్థులు తమ ఫలితాలకు సంబంధించి అనుమానాలుంటే రీకౌంటింగ్, రీవెరిఫికేషన్ కమ్ ఫొటో కాపీ పొందేందుకు బోర్డు అవకాశం కల్పించింది. విద్యార్థులు ఈనెల 24లోగా ఆన్‌లైన్‌లో దరఖాస్తు చేసుకోవచ్చని బోర్డు కార్యదర్శి సయ్యద్ ఉమర్ జలీల్ తెలిపారు.రీకౌంటింగ్ కోసం విద్యార్థులు ఒక్కో పేపరుకు రూ.100 చొప్పున చెల్లించాల్సి ఉంటుందని, రీవెరిఫికేషన్ కమ్ ఫొటో కాపీ కోసం ఒక్కో సబ్జెక్టుకు రూ.600 చొప్పున చెల్లించాల్సి ఉంటుందని వెల్లడించారు. దరఖాస్తు చేసుకునే విద్యార్థులు తమ పూర్తి వివరాలు, అడ్రస్, ఈ-మెయిల్, మొబైల్ నంబరు తప్పనిసరిగా ఎంటర్‌ చేయాల్సి ఉంటుంది.