సెంట్రల్ వర్శటీలో అందరూ పాస్
హైద్రాబాద్, జూన్ 22
హైదరాబాద్‌ సెంట్రల్‌ యూనివర్సిటీ కీలక నిర్ణయం తీసుకుంది. కరోనా నేపథ్యంలో పరీక్షలు లేకుండానే విద్యార్థులకు పట్టాలు అందివ్వనుంది. ఈ మేరకు యూజీ, పీజీ చివరి ఏడాది చదువుతున్న విద్యార్థులకు గ్రేడ్లు కేటాయించింది. వర్సిటీ తీసకున్న ఈ నిర్ణయంతో ఉన్నత చదువులకు వెళ్లే వారికి లేదా ఉన్నత ఉద్యోగాలకు వెళ్లే వారికి ఎలాంటి నష్టం వాటిల్లదని వర్సిటీ అధికారులు పేర్కొన్నారు.మొత్తం మార్కుల్లో 50 శాతానికి గత సెమిస్టర్లలో వచ్చిన మార్కుల ఆధారంగా సగటు తీశారు. మిగతా 50 శాతానికి ఇంటర్నల్‌ పరీక్షలు, అప్పటికే కేటాయించిన మార్కుల సగటు తీసి గ్రేడ్లు కేటాయించారు. దీంతో గత సెమిస్టర్లు, ఇంటర్నల్స్‌లో మంచి ప్రతిభ కనబరిచిన వారికి మంచి గ్రేడ్లు దక్కనున్నాయి.ఇక బ్యాక్‌లాగ్‌ విద్యార్థుల విషయంలో త్వరలో ఓ నిర్ణయం తీసుకోనున్నారు. అలాగే హెచ్‌సీయూ ప్రవేశ పరీక్ష విషయంలోనూ క్లారిటీ లేదు. ప్రతియేటా మే నెలలో హెచ్‌సీయూ ప్రవేశ పరీక్ష జరిగేది. ఈ ఏడాది కరోనా కారణంగా ఆగస్టు మొదటి వారానికి వాయిదా వేశారు. ఆ సమయానికి విద్యా సంస్థలు పునఃప్రారంభమైతే పరీక్ష జరగడానికి ఎలాంటి ఇబ్బంది ఉండదు.జాతీయ స్థాయిలో అన్నీ రాష్ట్రాలను ద`ష్టిలో ఉంచుకుని ప్రవేశ పరీక్ష నిర్వహించాల్సి ఉంటుంది. జులైలో పరిస్థితులు చక్కబడక పోతే ఆగస్టులో ప్రవేశ పరీక్ష జరగడం అనుమానంగానే ఉంది. దీనిపై త్వరలో వర్సిటీ స్పష్టత ఇవ్వనుంది