ప్రేమ, పెళ్లిపై ఓపెన్ అయిన శ్రీ ముఖి
హైద్రాబాద్, జూన్ 26
అతని గురించి చెప్తే దీనికి పిచ్చా.. వెర్రా అని అనుకుంటారు కాని నాకు కాబోయే భర్త గురించి ఘోరమైన ఎక్స్ పెక్టేషన్స్ ఉన్నాయి అంటోంది యాంకర్ శ్రీముఖి. ప్రేమ, పెళ్లి, పర్సనల్ లైఫ్‌పై పలు ఆసక్తికరమైన విషయాలను తెలియజేసింది శ్రీముఖి.ప్రేమ, పెళ్లిపై ఓపెన్ అయ్యింది యాంకర్ శ్రీముఖి. ప్రేమంటే ఏంటో తెలియజేస్తూ.. పెళ్లి ఎప్పుడు చేసుకుంటుందో తెలియజేసింది. అలాగే తన క్రష్, కాబోయే వాడిలో ఉండే క్వాలిటీస్‌ని చెప్పుకొచ్చింది శ్రీముఖి. ఆమె మాట్లాడుతూ.. ‘నా దృష్టిలో లవ్ అంటే గుడ్ ఎమోషన్. నేను రిలేషన్ షిప్‌లో ఉన్నా.. అన్నీ గ్రేట్ రిలేషన్ షిప్స్ అని అనలేం. ఈ వయసులో ఏదైతే వన్ టైం కమిట్మెంట్ ఉంటుదో అదే లవ్. జీవిత భాగస్వామి అయిన భర్తనే ఇలా అనుకోవచ్చు. చివరివరకూ ఆ వ్యక్తితోనే ఉండాలనుకోవడమే లవ్. ఇండిపెండెంట్ ఉమెన్ ఎవరిదగ్గరైనా సోమచ్ ఎమోషన్స్‌తో ఉండదు. నా ఫీలింగ్స్ అన్నీ నా వరకే ఉంటాయి. ఒకరిపై ఎమోషనల్‌గా డిపెండ్ అయిపోను.ప్రస్తుతం వర్క్ బిజీలో ఉండటం వల్ల లవ్ అండ్ మ్యారేజ్ గురించి ఆలోచించే అవసరం రాలేదు. కాని ఎప్పటికైనా పెళ్లి చేసుకోవాలి కాబట్టి దాని కోసం నేనూ వెయిట్ చేస్తున్నాను. పెళ్లి కోసం ప్లాన్ అంటే ఏం లేదు కాని.. మూడునాలుగేళ్లు వరకూ పెళ్లి చేసుకోకూడదని అనుకుంటున్నా. అయితే పెళ్లైన తరువాత నా లైఫ్‌ని నా ఫ్యామిలీ, నా భర్త, నా ఇల్లుకి డెడికేట్ చేయాలని అనుకుంటున్నా.
లవ్ మ్యారేజ్‌నా? ఎరేంజ్డ్ మ్యారేజ్‌‌నా?
ఈ ప్రశ్న ఐదారేళ్ల క్రితం అడిగిఉంటే ఖచ్చితంగా పెద్దలు కుదిర్చిన వివాహమే చేసుకుంటా.. లేదంటే మా నాన్న గారు ఒప్పుకోరు అనేదాన్ని. కాని ఇప్పుడు ఇప్పుడు నా అభిప్రాయాన్ని, నిర్ణయాన్ని వాళ్లు గౌరవిస్తారు. ఏదైనా ఆలోచించే నిర్ణయం తీసుకుంటా. ఒక షో చేయాలంటేనే చాలా రకాలుగా ఆలోచిస్తా.. అలాంటిది నా లైఫ్‌లో మరో వ్యక్తి వస్తున్నారు అంటే నా ఆలోచన నెక్స్ట్ లెవల్‌లో ఉంటుంది. మా నాన్న నన్ను నమ్ముతారు. నా ఇష్టాన్ని గౌరవిస్తారు. నా ఫ్యామిలీ సైడ్ నుంచి ఎలాంటి అభ్యంతరాలు ఉండవు. సో లవ్ చేసి పెద్దల్ని ఒప్పించి పెళ్లి చేసుకుంటా. నేను సెలెక్ట్ చేసుకుని పేరెంట్స్‌కి చెప్తా వాళ్లు పెళ్లి చేస్తారు. ఒకవేళ వాళ్లు సెలెక్ట్ చేసినా ఆ వ్యక్తి గురించి తెలుసుకుని అతనితో ట్రావెల్ చేసి లవ్ చేస్తా.. ఆ తరువాత పెళ్లి చేసుకుంటా.నాకు కాబోయే వాడు ఎలా ఉండాలి అంటే.. ఎనర్జీ లెవర్స్‌లో కాని.. కామెడీలో కాని.. నాలాగే కొంత పిచ్చి, వెర్రి ఉండాలి. నాకు రణవీర్ సింగ్ అంటే క్రష్ ఉంది. హైపర్ లౌడ్ పర్శనాలిటీ అంటే నాకు చాలా ఇష్టం. లౌడ్ పర్శనాలిటీ అనేది బయటవాళ్లకి ఇంటికి వచ్చిన తరువాత నాతో చాలా ఇనోసెంట్‌గా ఉండాలి. నాతో చాలా సాప్ట్‌గా కూల్‌గా ఉండాలి. బేబీ అంటూ నాతో చనువుగా ఉండాలి.. ఇలాంటి ఘోరమైన ఎక్స్‌పెక్టేషన్స్ చాలా ఉన్నాయి. ఇది వినేవాళ్లకు పిచ్చి, వెర్రిలా అనిపించవచ్చు కాని.. నాకు కాబోయే వాడిలో ఖచ్చితంగా ఈ క్వాలిటీస్ ఉండాలి. కొన్నింటిలో అయితే అయితే అడ్జస్ట్ అవుతా’అంటూ తనకు కాబోయే వాడి గురించి చెప్పుకొచ్చింది శ్రీముఖి.