కారులో సెక్స్ వీడియో : యూఎన్ ఓ ఆగ్రహం
న్యూయార్క్, జూన్ 27,
జ్రాయెల్‌లో ఐక్యరాజ్య సమితికి చెందిన అధికారిక కారులో ఓ జంట సెక్స్ చేసిన వీడియో సోషల్ మీడియాలో వైరల్ అయ్యింది. ఈ విషయం తెలిసి షాకైన ఐరాస తీవ్ర ఆందోళన వ్యక్తం చేసింది. రెడ్ డ్రెస్‌లో ఉన్న ఓ మహిళ.. కారు వెనుక సీట్లో ఉన్న వ్యక్తి ఒడిలో కూర్చొని సెక్స్ చేస్తున్న వీడియో క్లిప్ వైరల్‌‌గా మారింది. కారు ముందు సీట్లో డ్రైవర్ ఉన్నప్పటికీ.. వారు పట్టించుకోలేదు.. కారు కదులుతున్నప్పటికీ వారిద్దరూ రాసలీలలు సాగించడం గమనార్హం. ఐరాస అధికారి డబ్బులిచ్చి వేశ్యతో లైంగిక చర్యలో పాల్గొన్నట్లు తెలుస్తోంది.టెల్ అవీవ్ నగరంలోని ఓ ప్రధాన మార్గంలో ఈ ఘటన చోటు చేసుకోవడం గమనార్హం. కారు నంబర్ ప్లేట్, దాని పై భాగాన UN అనే అక్షరాలు కనిపించాయి. యునైటెడ్ నేషన్స్ ట్రూస్ సూపర్‌‌విజన్ ఆర్గనైజేషన్‌ (యూఎన్‌టీఎస్ఓ)కు చెందిన సిబ్బంది ఇలాంటి ఘటనకు పాల్పడటం పట్ల ఐరాస షాకైంది. ఈ ఘటన పట్ల విచారణ చేపట్టామని.. బాధ్యులపై తగిన చర్యలు తీసుకుంటామని ఐరాస అధికార ప్రతినిధి ట్వీట్ చేశారు. శాంతి స్థాపన కోసం ఐకరాజ్య సమితి 1948లోనే యూఎన్‌టీఎస్‌వోను ఏర్పాటు చేసింది. కాల్పుల విరమణ ఒప్పందాలు అమలయ్యేలా చూడటం.. సైనిక ఘర్షణలు తలెత్తకుండా చూడటం కోసం దీన్ని ఏర్పాటు చేశారు. యూఎన్‌టీఎస్‌వో ప్రధాన కార్యాలయం జెరూసలెంలో ఉంది. ఇలాంటి అనుచిత ప్రవర్తనను, లైంగిక దోపిడీని సహించబోమని యూఎన్‌టీఎస్‌వో ఓ ప్రకటనలో తెలిపింది. ఐరాస ప్రవర్తనా నియమావళికి కట్టుబడి ఉండాలని సిబ్బందికి సూచించింది.