చాతుర్మాస దీక్ష స్వీకరించిన శ్రీమఠం పీఠాధిపతులు        
మంత్రాలయం 
మంత్రాలయం ప్రముఖ పుణ్యక్షేత్రమైన శ్రీ రాఘవేంద్రస్వామి మఠంలో ఆషాడ శుక్లా ఏకాదశి సందర్భంగా శ్రీమఠంలో  పీఠాధిపతుల  ఆధ్వర్యంలో అర్చకులు  సుదర్శన హోమం నిర్వహించారు.  శ్రీరాఘవేంద్ర స్వామీ మూలా బృందావనంనకు పూజలు నిర్వహించారు. శ్రీ మూలా రామదేవర పూజలు చేసి మంగళహారతి చేశారు. పీఠాధిపతులు  తప్త ముద్రధారణను తీసుకొని భక్తులను అనుగ్రహ సందేశతో ఆశీర్వదించారు. శ్రీ మఠం ఆనవాయితీగా భాగంగా పీఠాధిపతులు  చాతుర్మాస దీక్షను స్వీకరించారు. దీక్ష లో భాగంగా 40  రోజులకు పైగా  మఠంలోనే ఉంటూ లోకకళ్యాణం కోసం పూజలు హోమాలు యజ్ఞాలు నిర్వహిస్తారు. శ్రీమఠంలో  సంస్కృత పాఠశాల విద్యార్థులకు సంస్కృత విద్యా బోధన కూడా చేస్తున్నట్లు శ్రీమఠంఅధికారులు తెలిపారు.