ముంబాయి జులై 01. ఎన్సీపీ నేత శరద్ పవార్‌ కు తృటటిలో రోడ్డు ప్రమాదం తప్పింది.  శరద్ పవార్‌కు చెందిన కాన్వాయ్‌లోని ఓ వాహనం బోల్తా పడింది. ముంబై- పుణె మధ్య ఉన్న ఎక్స్‌ప్రెస్‌వే పై ఈ ఘటన చోటు చేసుకుంది. వివరాలు ఇలా వున్నాయి. ముంబై- పుణె మధ్య ఎక్స్‌ప్రెస్ వేపై శరద్‌పవార్ కాన్వాయ్‌లోని ఓ వాహనం తొలుత బోల్తా పడింది. అయితే అప్పటికే శరద్‌పవార్ వాహనం దాటి వెళ్లడంతో.. ఆయనకు ప్రమాదం తప్పింది. కాన్వాయ్‌లోని ఓ జీపు రోడ్డుపై బోల్తా కొట్టింది. ఆ జీపులోని డ్రైవర్‌కు స్వల్ప గాయాలైనట్లు పుణే జిల్లా రూరల్ పోలీసులు తెలిపారు.  సంఘటనా స్థలాన్ని పరిశీలించిన పోలీసులు క్షతగాత్రులను స్థానిక ఆస్పత్రికి తరలించారు.