హైద్రాబాద్, జూలై 4, 
భారత్ లో ఉత్పత్తి చేసిన కియాకు సెల్టోస్ మోడల్ అత్యుత్తమ విక్రయాలు అందుకున్న వాహనంగా మంచి రికార్డు అందుకుంది. గతేడాది ఆగస్టులో భారత మార్కెట్లోకి విడుదలైన కియా సెల్టోస్ అన్ని విభాగాల్లోనూ వాహనప్రియులను ఆకట్టుకుని మంచి విక్రయాలు అందుకుంది. కరోనా లాక్ డౌన్ ముందు వరకు అత్యధిక సేల్స్ అందుకుంటున్న వాహనాల్లో ముందువరుసలో ఉన్న ఈ మోడల్ గత నెలలో మాత్రం దిగజారింది. కరోనా లాక్ డౌన్ రెండు నెలలకు పైగా దేశవ్యాప్తంగా పూర్తి లాక్ డౌన్ విధించిన సమయంలో.. ఇటీవలే సడలింపులు ఇచ్చింది ప్రభుత్వం. ఈ నేపథ్యంలో జూన్ మాసంలో అత్యుత్తమ విక్రయాలు అందుకున్న కారుగా 2020 హ్యుండాయ్ క్రెటా ఘనత సాధించింది.2020 జూన్ మాసంలో హ్యుండాయ్ క్రెటా మొత్తం 7,207 విక్రయాలు అందుకోని ముందువరుసలో నిలిచింది. క్రెటాతో పోలిస్తే అయితే కియా సెల్టోస్ జూన్ లో కొద్దిగా సేల్స్ తగ్గి 7114 యూనిట్ల అమ్మకాలు సాధించింది. అంతేకాకుండా హ్యుండాయ్ క్రెటా మార్చిలో లాంచ్ అయిన దగ్గర నుంచి చూసుకుంటే గత నెలలో 14,825 బుకింగ్స్ అందుకుని భారత్ లో అత్యధికి అమ్మకాలు అందుకున్న ఎస్ యూవీగా రికార్డు సృష్టించింది. హ్యుండాయ్ క్రెటా, వెన్యూ మోడళ్ల మొత్తం అమ్మకాలు చూస్తే 11,336 యూనిట్లుగా ఉంది. జూన్ మాసంలో హ్యండాయ్ వెన్యూ 4,129 యూనిట్ల అమ్మకాలు అందుకుంది. లాక్ డౌన్ సడలింపులిచ్చిన తర్వాత దాదాపు 30వేల బుకింగ్స్ అందుకుంది.పెట్రోల్ వాహనాలతో పోలిస్తే ఎక్కువగా డీజిల్ మోడళ్లకు డిమాండ్ ఎక్కువగా ఉందని హ్యుండాయ్ సంస్థ పేర్కొంది. అందులోనూ బీఎస్6 డీజిల్ వాహనాలకు డిమాండ్ బలంగా ఉందని చెప్పింది. మే నెలలో హ్యుండాయ్ క్రెటా 3,212 యూనిట్ల అమ్మకాలను నమోదు చేసుకోగా.. అంతకుముందు నెలైన ఏప్రిల్లో లాక్ డౌన్ మూలాన దేశీయ మార్కెట్లో ఎలాంటి విక్రయాలు అందుకోలేదు. 2020 హ్యుండాయ్ క్రెటా పోలరైజింగ్ డిజైన్ తో అందుబాటులోకి వచ్చింది. మూడు ఇంజిన్లను కలిగి ఉంది. 1.5-లీటర్ పెట్రోల్, 1.5-డీజిల్, 1.4-లీటర్ టర్బో పెట్రోల్ ఇంజిన్ ఆప్షన్ తో అందుబాటులోకి వచ్చింది. ఈ 2020 హ్యుండాయ్ క్రెటా ప్రారంభ ధర ప్రస్తుతం ఎక్స్ షోరూంలో రూ.9.99 లక్షలుగా సంస్థ నిర్దేశించిది.